కమల్ హాసన్ కొత్త వ్యాపారం.. ఆలోచనలు ఎందుకు మారాయి.. సక్సెస్ అయ్యేనా?

క‌మ‌ల్ హాస‌న్‌.. ఇండియ‌న్ సినిమాల్లో ఈ పేరు తెలియ‌ని వ్య‌క్తి ఉండ‌రంటే అతిశ‌యోక్తి కాదు. సినిమానే ప్ర‌పంచంగా బ‌తికిన వ్య‌క్తి. సినిమాలోని అన్ని విభాగాల‌పై మంచి ప‌ట్టున్న వ్య‌క్తి. నటుడిగా, నిర్మాత‌గా, ద‌ర్శ‌కుడిగా, టెక్నీషియ‌న్‌గా ఇలా అన్నింటా తానై క‌నిపించే ప్ర‌య‌త్నం చేశాడు. సినిమాను ప్రేమించే ఎవ‌రికైనా క‌మ‌ల్ హాస‌న్ సినిమాలు న‌చ్చేస్తాయి. త‌న విల‌క్ష‌ణ న‌ట‌న‌తో క‌మ‌ల్ హాస‌న్‌ సినిమాకు జీవం పోసే ప్ర‌య‌త్నం చేస్తార‌న‌డంలో సందేహం లేదు. అయితే ఈ మ‌ధ్య కాలంలో ఆయ‌న త‌న రూట్‌ను మార్చుకున్నారు. ఒక‌ప్పుడు క‌మ‌ర్షియ‌ల్ యాడ్స్‌కు దూరంగా ఉండే ఆయ‌న ఇప్పుడు క‌మ‌ర్షియ‌ల్ యాడ్స్‌లో క‌నిపిస్తున్నారు. అలాగే సినిమాలే లోకం కాద‌ని, మారుతున్న ట్రెండ్‌కు అనుగుణంగా త‌న‌ను తాను మార్చుకుని రియాలిటీ షో బిగ్‌బాస్ త‌మిళ వెర్ష‌న్‌ను ఆయ‌న ఐదు సీజ‌న్స్‌గా హోస్ట్ చేస్తూ వ‌స్తున్నారు. క‌మల్‌లో వ‌చ్చిన మార్పు చూసి ఆయ‌న స‌న్నిహితులు కూడా కాస్త ఆశ్చ‌ర్య‌పోతున్నారు. ఇప్పుడు ఈ వెర్సటైల్ యాక్ట‌ర్ త‌న రూట్‌ను మార్చుకున్నాడు. ఇప్పుడు ఆయ‌న మ‌రో కొత్త అడుగు వేశారు. వ్యాపార రంగంలోకి అడుగు పెడుతున్నారు. ఇప్ప‌టి వ‌ర‌కు సినీ నిర్మాత‌గా డిస్ట్రిబ్యూష‌న్‌కే ప‌రిమిత‌మైన ఆయ‌న తొలిసారి త‌న స్టైల్‌ను మార్చుకుని మ‌రో వ్యాపారాన్ని స్టార్ట్ చేశారు. అదే వస్త్ర వ్యాపారం. అది కూడా ఇండియాలో కాదు. అమెరికాలోన‌ట‌. ఖాదీ క‌ళాకారుల ప‌నితీరుని ప్ర‌పంచానికి ప‌రిచ‌యం చేయాల‌నే సంక‌ల్పంతో క‌మ‌ల్ అమెరికాలో ఖాదీ, చేనేత వ‌స్త్రాల‌కు సంబంధించిన షోరూమ్‌ను చికాగోలో స్టార్ట్ చేశార‌ట‌. ప్ర‌ముఖ ఫ్యాష‌న్ డిజైన‌ర్ రామ్‌తో ఈ వ‌స్త్రాల‌కు ప్ర‌త్యేక‌మైన డిజైన్స్‌ను త‌యారు చేయిస్తున్నారు క‌మ‌ల్‌. అయితే క‌మ‌ల్ ఎందుకు ఇలా ప‌లు రంగాల్లో అడుగు పెడుతున్నార‌నే డిస్క‌ష‌న్ లేక‌పోలేదు. అయితే ఒక‌వైపు త‌న అవ‌స‌రాల‌తో పాటు ఆయ‌న ప్రారంభించిన మ‌క్క‌ల్ నీది మయ్యం అనే రాజ‌కీయ పార్టీని న‌డింపించ‌డం కోసం డ‌బ్బులు అవ‌స‌రం. దాన్ని ముందుకు తీసుకెళ్ల‌డం కోసం సినిమాల‌తో పాటు క‌మ‌ర్షియ‌ల్ యాడ్స్‌, బిగ్‌బాస్ వంటి ప్రోగ్రామ్స్ చేయ‌డం ద్వారా ముందుకెళ్లొచ్చు అనేది ఈ వెర్స‌టైల్ యాక్ట‌ర్ ఆలోచ‌న అని ఆయ‌న అభిమానులు అంటున్నారు. ఇక సినిమాల విష‌యానికి వ‌స్తే.. క‌మ‌ల్ హాస‌న్ ఇప్పుడు లోకేశ్ క‌న‌క‌రాజ్ ద‌ర్శ‌క‌త్వంలో విక్ర‌మ్ అనే సినిమా చేస్తున్నారు. ఈ సినిమాలో క‌మ‌ల్ హాస‌న్ న‌టించ‌డంతో పాటు, స‌ద‌రు సినిమాను నిర్మిస్తున్నారు. లోకేశ్ క‌న‌క‌రాజ్ త‌న‌దైన స్టైల్లో మాస్ అండ్ క‌మ‌ర్షియ‌ల్ ఎంటైర్‌టైన‌ర‌న్‌గా విక్ర‌మ్ సినిమాను తెర‌కెక్కిస్తున్నారు. ఈ సినిమా టీజ‌ర్‌ను క‌మ‌ల్ హాస‌న్ పుట్టిన‌రోజు సంద‌ర్భంగా న‌వంబ‌ర్ 7న విడుద‌ల చేసే అవ‌కాశం ఉంద‌ని కోలీవుడ్ వ‌ర్గాల స‌మాచారం. త్వ‌ర‌లోనే ఈ సినిమాపై మ‌రంత క్లారిటీ రానుంది.

from Telugu Movie News | Movie News in Telugu | Movie Gossips in Telugu https://ift.tt/3b0yuNR
v