పవర్స్టార్ అంటేనే తెలుగు ప్రేక్షకుల్లో ఏ రేంజ్లో క్రేజ్ ఉంటుందో అందరికి తెలిసిందే. ఆయన సినిమా విడుదల అయింది అంటే ఆ రోజు థియేటర్ల వద్ద పండుగ వాతావరణం నెలకొనాల్సిందే. ఆయన స్టైల్, యాక్షన్, మ్యానరిజంతో కోట్లాది మంది అభిమానులను సంపాదించుకున్నారు పవన్. ఇక రాజకీయా కోసం ఆయన మూడు సంవత్సరాలు సినిమాలకు గ్యాప్ ఇచ్చారు. దీంతో అభిమానులకు మళ్లీ ఆయన ఎప్పుడు వెండితెరపై కనిపిస్తారా అని ఎదురుచూశారు. వాళ్ల నిరీక్షణలకు ప్రతిఫలంగా ‘వకీల్సాబ్’ అనే సినిమాతో గ్రాండ్ రీఎంట్రీ ఇచ్చారు పవన్. అయితే ఈ సినిమా సక్సెస్ తర్వాత ఆయన వరుస సినిమాలను లైన్లో పెట్టారు. అందులో మలయాళంలో సూపర్హిట్గా నిలిచిన ‘అయ్యప్పనుమ్ కోశియమ్’ రీమేక్గా రూపొందుతున్న ‘భీమ్లా నాయక్’ సినిమా ఒకటి. ఈ సినిమాలో మరో హీరోగా నటిస్తున్నారు. ఇప్పటికే ఈ సినిమా నుంచి టీజర్, తొలి సింగిల్, రీసెంట్గా రానా పాత్ర డానియల్ శేఖర్ టీజర్ విడుదలై ప్రేక్షకులను విశేషంగా ఆకట్టుకున్నాయి. తాజాగా ఈ సినిమా నుంచి మరో అప్డేట్ వచ్చింది. ఈ సినిమాలో పవన్కళ్యాణ్ భార్యగా నటిస్తున్న విషయం తెలిసిందే. ఇక వీరిద్దరి మధ్య సాగే.. ‘అంత ఇష్టం’ అనే పాటను అక్టోబర్ 15వ తేదీన విడుదల చేస్తున్నట్లు చిత్ర యూనిట్ వెల్లడించింది. ఇందుకు సంబంధించి పవన్, నిత్య మీనన్లు కలిసి కూర్చొన ఫోటోని ఒకటి విడుదల చేశారు. ఇక సితార ఎంటర్టైన్మెంట్స్ బ్యానర్పై రూపొందుతున్న ఈ సినిమాకు సాగర్ కే చంద్ర దర్శకత్వం వహిస్తున్నారు. త్రివిక్రమ్ శ్రీనివాస్ ఈ సినిమా స్క్రీన్ప్లే అందిస్తున్నారు. థమన్ సంగీతం అందిస్తున్న ఈ సినిమా సంక్రాంతి కానుకగా.. వచ్చే ఏడాది జనవరి 12వ తేదీన విడుదల కానుంది.
from Telugu Movie News | Movie News in Telugu | Movie Gossips in Telugu https://ift.tt/3a8WDkS
v
No comments:
Post a Comment