హీరోగానే కాదు, వైవిధ్యమైన పాత్రలతో పాన్ ఇండియా యాక్టర్గా తనకంటూ ఓ ప్రత్యేకమైన గుర్తింపును సంపాదించుకున్న హీరో రానా దగ్గుబాటి నిర్మాతగానూ మారిన సంగతి తెలిసిందే. సురేష్ ప్రొడక్షన్స్ బ్యానర్లో తండ్రితో పాటు నిర్మాణ రంగంలోనూ యాక్టివ్గా మారారు. డిజిటల్ కంటెంట్ను తయారు చేయడంలో ఇప్పుడు కీలకంగా మారారు. ఇవన్నీ కాకుండా ఇప్పుడు రానా మరో కొత్త అవతారం ఎత్తబోతున్నారని సినీ వర్గాల సమాచారం. ఇంకతకీ రానా ఎత్తిన కొత్త రోల్ ఏంటో తెలుసా? గాయకుడిగా. ప్రస్తుతం రానా నటిస్తోన్న చిత్రం ‘విరాటపర్వం’. వేణు ఊడుగుల దర్శకత్వంలో రూపొందుతోన్న ‘విరాటపర్వం’ సినిమాలో సాయిపల్లవి హీరోయిన్గా నటిస్తుంది. రానా ఈ చిత్రంలో ఓ పాటను పాడబోతున్నాడని టాక్ వినిపిస్తోంది. ఇదొక స్పెషల్ సాంగ్. వచ్చే వారం దీన్ని రికార్డ్ చేయబోతున్నారు. వేణు ఊడుగుల ఈ సిట్యువేషనల్ సాంగ్ను పాడాల్సిందిగా రానాను కోరడం, ఆలోచన బావుందని రానా భావించడంతో ఆయన ఒప్పుకున్నారట. సురేష్ బొబ్బిలి ఈ చిత్రానికి సంగీతాన్ని అందిస్తున్నారు. రానా ఇందులో నక్సలైట్ పాత్రలో కనిపిస్తున్నారు. రానాను ప్రేమించే అమ్మాయి పాత్రలో సాయిపల్లవి నటిస్తుంది. ఇప్పటికే రానా పాత్ర, సాయిపల్లవి పాత్రలకు సంబంధించిన టీజర్స్ విడుదలై మంచి ఆదరణను దక్కించుకున్నాయి. సురేష్ బాబుతో పాటు సుధాకర్ చెరుకూరి ఈ చిత్రాన్ని నిర్మిస్తున్నారు. ప్రస్తుతం చిత్రీకరణ తుది దశకు చేరుకుంది.
from Telugu Movie News | Movie News in Telugu | Movie Gossips in Telugu https://ift.tt/3AIzRvV
v
No comments:
Post a Comment