‘పొట్ట వచ్చేసింది.. జట్టు పోయింది.. కట్నం కూడా వద్దు’.. పిల్ల కోసం విశ్వక్‌సేన్ కష్టాలు

‘మాస్ కా దాస్’ గురించి తెలుగు ప్రేక్షకులకు పరిచయం చేయాల్సిన అవసరం లేదు. ‘ఫలుక్‌నామా దాస్’, ‘ఈ నగరానికి ఏమైంది’ వంటి సినిమాలతో ఆయన తెలుగు ప్రేక్షకులను ఎంతో అలరించారు. ఇక రీసెంట్‌గా ‘పాగల్’ అనే సినిమాతో ప్రేక్షకుల ముందుకు వచ్చారు విశ్వక్. నివేదా పేతురాజ్‌ మెయిన్ హీరోయిన్‌గా నటించగా.. సిమ్రన్‌ చౌదరి, మేఘాలేఖ, రాహుల్‌ రామకృష్ణ, మురళీశర్మ తదితరులు కీలక పాత్రలు పోషించారు. నరేశ్‌ కొప్పిలి దర్శకత్వం వహించిన ఈ చిత్రాన్ని దిల్‌రాజు సమర్పణలో బెక్కెం వేణుగోపాల్ నిర్మించారు. ఇక రీసెంట్‌గా ఆయన నటిస్తున్న సినిమా ‘’. తాజాగా ఈ సినిమా నుంచి విశ్వక్‌సేన్ పాత్రను పరిచయం చేస్తూ ఓ టీజర్‌ను విడుదల చేశారు. టక్ చేసుకొని.. జుట్టు రాలిపోయిన చోటుని దాచుకుంటూ అమాయకమైన లుక్‌లో విశ్వక్ మనకు ఈ పాత్రలో కనిస్తున్నారు. ఈ సినిమాలో అతని క్యారెక్టర్ పేరు అల్లం అర్జున్ కుమార్ అంటూ చిత్ర యూనిట్ ఈ ప్రకటన ద్వారా వెల్లడించారు. ఇంతకాలం మాస్ లుక్‌లో కనిపించిన విశ్వక్‌ని తొలిసారి ఓ అమాయకమైన పాత్రలో చూసి అభిమానులు షాక్ అయ్యారు. ఇక ఈ టీజర్‌లో ‘వయస్సు 30 దాటేసింది.. జుట్టు కూడా.. పొట్ట కూడా వస్తు..వచ్చేసింది.. నాకు అసలే అమ్మాయిలు దొరకడం లేదు.. కొంచెం ఏదైన సంబంధం ఉంటే చూసి పెట్టొచ్చు కదా.. కట్నం కూడా వద్దు’ అంటూ పెళ్లి కోసం తాను పడే బాధను చెప్పుకున్నాడు ‘అల్లం అర్జున్ కుమార్’. దీంతో పాటు ‘చింత మ్యారేజ్ బ్యూరో’కి తాను పెట్టుకున్న అప్లికేషన్‌కి కూడా విడుదల చేశారు. మీకు ఎవరైనా పిల్ల తెలిస్తే చెప్పండి అంటూ విశ్వక్ దీనిపై ట్వీట్ చేశారు. ఇక ఈ సినిమాకు విద్యా సాగర్ చింతా దర్శకత్వం వహిస్తుండగా.. డిజిటల్ బ్యానర్‌పై ఈ సినిమాను బాపినీడు, సుధీర్ ఎడెరా నిర్మిస్తున్నారు. బీవీఎస్‌ఎన్ ప్రసాద్ ఈ సినిమాను సమర్పించనున్నారు.

from Telugu Movie News | Movie News in Telugu | Movie Gossips in Telugu https://ift.tt/3n2Re6H
v