నభా నటేశ్.. అందం, అభినయం సొంతమైన ఈ అమ్మడుకి అవకాశాలు మాత్రం అడపాదడపానే తలుపుతడుతున్నాయి. ఇప్పటి వరకు ఈ సొగసరి చేసిన సినిమాల్లో ‘ఇస్మార్ట్ శంకర్’ మాత్రమే హిట్ టాక్ తెచ్చుకుని, ఈమెకు మంచి గుర్తింపును తెచ్చి పెట్టింది. కానీ తర్వాత వచ్చిన సినిమాలేవీ ఆకట్టుకోలేదు. ప్రస్తుతం నితిన్తో నటించిన మాస్ట్రోపైనే నభా బోలెడు ఆశలు పెట్టుకుంది. అయితే లేటెస్ట్ సమాచారం మేరకు నభా నటేశ్కు ఓ స్టార్ హీరో సినిమాలో స్టార్ డైరెక్టర్ అవకాశం ఇచ్చాడట. ఇంతకీ ఆ స్టార్ హీరో ఎవరో కాదు.. సూపర్ స్టార్ మహేశ్. దర్శకుడు మాటల మాంత్రికుడు త్రివిక్రమ్ శ్రీనివాస్. సాధారణంగా త్రివిక్రమ్ తన సినిమాల్లో మెయిన్ హీరో, హీరోయిన్ కాకుండా నెక్ట్స్ రేంజ్ హీరోకు, మరో హీరోయిన్కు కూడా ఛాన్స్ ఇస్తుంటాడు. ఆ కోవలో ఇప్పుడు మహేశ్తో చేయబోతున్న సినిమాలో మెయిన్ హీరోయిన్ పూజా హెగ్డే అయితే, మరో హీరోయిన్గా నభా నటేశ్ కనిపించనుందని టాక్. మరి నభా పాత్రకు త్రివిక్రమ్ ఎలాంటి ఇంపార్టెన్స్ ఇస్తాడు, వచ్చిన అవకాశం నభాకు గోల్డెన్ ఆఫర్ అవుతుందో లేదో తెలియాలటే మాత్రం సినిమా రిలీజ్ వరకు ఆగాల్సిందే. ఇప్పుడు త్రివిక్రమ్ పూర్తిస్థాయి స్క్రిప్ట్ను సిద్ధం చేసే పనిలో ఉన్నాడు. ఇది వరకు మహేశ్, త్రివిక్రమ్ కాంబినేషన్లో ‘అతడు, ఖలేజా’ సినిమాలు వచ్చాయి. ఈ రెండు సినిమాలు బుల్లితెరపై సాధించినంత విజయాన్ని సిల్వర్ స్క్రీన్పై సాధించలేదనేది అందరికీ తెలిసిన సంగతే. మరి మూడోసారి వీరి కాంబోలో ఎలాంటి సినిమా వస్తుందనేది అందరిలో ఆసక్తిని నెలకొల్పింది. సర్కారువారి పాట చిత్రం తర్వాత మహేశ్ చేయబోయే సినిమా ఇదే. మరో వైపు త్రివిక్రమ్, పవన్కళ్యాణ్ మూవీ ‘భీమ్లా నాయక్’ చిత్రీకరణలో తన వంతు సపోర్ట్ను అందిస్తున్నారు.
from Telugu Movie News | Movie News in Telugu | Movie Gossips in Telugu https://ift.tt/3BEJJ9Y
v
No comments:
Post a Comment