దాన్ని తీయడానికి ఆలోచిస్తున్న రామ్ చరణ్.. జక్కన్న పర్మిషన్ కోసం వెయిటింగ్

రాజ‌మౌళితో సినిమా చేయాల‌ని బాలీవుడ్ స‌హా పాన్‌ ఇండియా స్టార్ హీరోలంద‌రూ ఆస‌క్తిగా ఎదురుచూస్తున్నారు. అయితే రాజ‌మౌళితో సినిమా చేయ‌డం అంత సుల‌భం కాదు. సినిమా మేకింగ్‌కు స‌మ‌యం ఎక్కువ తీసుకోవ‌డ‌మే కాదు.. తన‌తో సినిమా చేస్తున్న‌ప్పుడు మ‌రో సినిమా చేయ‌కూడ‌దు. బ‌య‌ట‌కు ఎక్కువ‌గా ఫోక‌స్ కాకూడ‌ద‌నే కండీష‌న్స్ పెడుతుంటాడు. ఈ కండీషన్స్‌కు ఒప్పుకునే హీరోలు ఆయ‌న‌తో సినిమాలు చేస్తుంటారు. ఇప్పుడ‌దే రామ్‌చ‌ర‌ణ్‌కు పెద్ద స‌మ‌స్య‌గా మారింద‌నే టాక్ సినీ వ‌ర్గాల్లో హ‌ల్‌చ‌ల్ చేస్తుంది. ఇంత‌కీ రామ్‌చ‌ర‌ణ్‌కు ఎదురైన స‌మ‌స్యంటి? అనే వివ‌రాల్లోకెళ్తే.. జ‌క్క‌న్న ద‌ర్శ‌క‌త్వంలో ఎన్టీఆర్‌, రామ్‌చ‌ర‌ణ్ న‌టిస్తోన్న పీరియాడిక‌ల్ ఫిక్ష‌న‌ల్ డ్రామా ఆర్ఆర్ఆర్‌. ఈ సినిమాలో వీరిద్ద‌రి లుక్స్ డిఫ‌రెంట్‌గా ఉన్నాయి. ట్రిపుల్ ఆర్‌లో రామ్‌చ‌ర‌ణ్ .. మ‌న్యం వీరుడు అల్లూరి సీతారామ‌రాజుగా న‌టిస్తున్నారు. అందుకోసం జుట్టు పెంచి, మీసాలు మెలితిప్పాడు చ‌ర‌ణ్‌. దాదాపు రెండేళ్ల పైగా చ‌ర‌ణ్ ఇది లుక్‌ను మెయిన్ టెయిన్ చేస్తూ వ‌స్తున్నాడు. ఇప్పుడు ట్రిపుల్ ఆర్ షూటింగ్ పూర్త‌య్యింది. ప్యాచ్ వ‌ర్క్ మాత్ర‌మే మిగిలి ఉంది. మ‌రి ప్యాచ్ వ‌ర్క్‌కు అదే లుక్‌ను మెయిన్ టెయిన్ చేయాలా? వద్దా? అని చెర్రీ ఆలోచిస్తున్నాడు. అందుకు కార‌ణంగా సెప్టెంబ‌ర్ 8న శంక‌ర్ ద‌ర్శ‌క‌త్వంలో చ‌ర‌ణ్ సినిమా లాంఛనంగా ప్రారంభం కానుంది. ఈ వేడుక‌కు బాలీవుడ్ హీరో ర‌ణ్వీర్ సింగ్ ముఖ్య అతిథిగా రాబోతున్నార‌ని సినీ వ‌ర్గాల స‌మాచారం. ఒక‌వేళ జ‌క్క‌న్న గ్రీన్ సిగ్న‌ల్ ఇస్తే త‌న గ‌డ్డం, జుట్టు తీసేసి స్మార్ట్‌గా మారాలనుకుంటున్నాడ‌ట చ‌ర‌ణ్‌. ప్ర‌స్తుతం ప్యాచ్ వ‌ర్క్ చిత్రీక‌ర‌ణ పూర్తి చేసుకోవాల్సి ఉంది. మ‌రోవైపు పోస్ట్ ప్రొడ‌క్ష‌న్ ప‌నులు శ‌ర‌వేగంగా జ‌రుగుతున్నాయి. సినిమాను వ‌చ్చే ఏడాది జ‌న‌వ‌రిలోనే విడుద‌ల చేసే అవ‌కాశాలున్నాయ‌ని స‌మాచారం. ఎన్టీఆర్ కొమురం భీమ్‌గా, చ‌ర‌ణ్ అల్లూరిగా న‌టిస్తోన్న ఈ చిత్రంలో అజ‌య్ దేవ‌గ‌ణ్‌, ఆలియా భ‌ట్‌, శ్రియాశ‌ర‌న్ స‌హా హాలీవుడ్ స్టార్స్ కూడా న‌టిస్తున్నారు.

from Telugu Movie News | Movie News in Telugu | Movie Gossips in Telugu https://ift.tt/3BF9Ld3
v