పాటల రచయిత రామజోగయ్య శాస్త్రికి, ఆయన కలానికి ఓ విలువ ఉంటుంది. సదాశివ సన్యాసి అంటూ అద్భుతమైన పాట రాసిన రామజోగయ్య శాస్త్రి చిత్రపరిశ్రమలో తనకంటూ ఓ గుర్తింపును తెచ్చుకున్నారు. గురువు సిరివెన్నెల వారసత్వాన్ని కొనసాగించే సత్తా ఉన్న వారు. కానీ ఆయన ఈ మధ్య రాసిన పాటలు కొన్ని విమర్శలను ఎదుర్కొంటూ వస్తున్నాయి. మరీ ముఖ్యంగా కోసం రాస్తున్న పాటల్లో అతిశయోక్తులు ఎక్కువ అవుతున్నాయని, స్తుతి ఎక్కువ అవుతోందనే టాక్ వినిపిస్తోంది. వకీల్ సాబ్ పాట విషయంలోనూ ఇలానే మిక్స్డ్ రియాక్షన్లు వినిపించాయి. ఇక టైటిల్ సాంగ్పైనా నెటిజన్లు పెదవి విరుస్తున్నారు. అయితే పవన్ కళ్యాణ్ అభిమానులు మాత్రం భీమ్లా నాయక్ పాట, అందులోని పదాలు, పవన్ కీర్తించేందుకు వాడిన ప్రాసలు తెగ నచ్చేశాయి. కానీ సగటు సంగీత అభిమానికి మాత్రం వెగటును పుట్టించినట్టున్నాయి. గూండా, యూనిఫారం, గుంటూరు కారం, లాఠీ గాయక్ ఇలా ఏవేవో పదాలను వాడేశారు. అయితే ఓ నెటిజన్ మాత్రం ఈ పాటపై కామెంట్ చేశాడు. మీ రేంజ్ లిరిక్స్ అయితే కాదన్నా.. అంటూ ఓ అభిమాని రామజోగయ్య శాస్త్రికి తన బాధను విన్నవించుకున్నారు. దానికి ఆయన రిప్లై ఇస్తూ.. నెక్స్ట్ టైం బాగా రాస్తా తమ్ముడు ప్లీజ్ అంటూ తన స్టైల్లో ఆన్సర్ ఇచ్చారు. ఈ పాటకు తమన్ అందించిన బాణీ బాగానే ఉంది. అభిమానులను ఉర్రూతలూగించేలానే ఉంది. కానీ మళయాలీ వర్షెన్ను చెడగొడుతున్నారంటూ కొందరు వాపోతోన్నారు.
from Telugu Movie News | Movie News in Telugu | Movie Gossips in Telugu https://ift.tt/2WQrYFG
v
No comments:
Post a Comment