ప్రస్తుతం టాలీవుడ్లో మూవీ ఆర్టిస్ట్ అసోసియేషన్ (మా) ఎన్నికలు ఎంత రసవత్తరంగా సాగుతున్నాయో అందరికీ తెలిసిందే. ఒకరిని మించి మరొకరు మాటలతో దాడులకు దిగుతున్నారు. ఒకరిపై మరొకరు ఆరోపణలు చేసుకుంటున్నారు. ఇప్పటి వరకు మంచు విష్ణు, మధ్యే ఉన్న ఈ పోటీలోకి హేమ పేరు ఎక్కువగా వినిపిస్తోంది. అసలే ఈ సారి ఐదుగురు అధ్యక్షపోటీలకు దిగారు. ఇందులో ఎక్కువగా ప్రకాష్ రాజ్, మంచు విష్ణు, హేమల పేర్లు వినిపిస్తున్నాయి. హేమ చేసిన ఆరోపణలు, ఆమె చేసిన రచ్చకు నరేష్ కూడా కౌంటర్లు ఇచ్చారు. క్రమశిక్షణ కమిటీ నుంచి హేమ మీద చర్యలు తీసుకునేలా నరేష్ చేసేశారు. అలా ఆమెకు నరేష్ తన స్టైల్లో జవాబిచ్చారు. ఉన్న డబ్బంతా ఖర్చు చేస్తున్నారు.. ఇప్పటి వరకు రూపాయి కూడా సంపాదించలేదు అని నరేష్ మీద హేమ ఆరోపణలు చేసిన సంగతి తెలిసిందే. అలా మొత్తానికి హేమకు షోకాజ్ నోటీసులు ఇచ్చే వరకు వ్యవహారం వెళ్లింది. చిరంజీవి సైతం మా ఎన్నికల మీద బహిరంగ లేఖ రాశారు. మా మసకబారేలా ఎవ్వరు ప్రవర్తించినా సరే వెంటనే క్రమశిక్షణా ఉల్లంఘన చర్యలు తీసుకోండని కృష్ణంరాజుకు చిరు లేఖ రాశారు. వెంటనే ఎన్నికలు నిర్వహించాలని కూడా కోరారు. అయితే ఇలా ఓ వైపు ఇండస్ట్రీలో చర్చోపచర్చలు జరుగుతూ ఉంటే.. ప్రకాష్ రాజ్ మాత్రం తన ప్యానల్తో చిల్ అవుతున్నారు. మరో వైపు నరేష్ కూడా తన మద్దతుదారులతో స్పెషల్ మీటింగ్లు, పార్టీలు అంటూ రచ్చ చేస్తున్నట్టు తెలుస్తోంది. ఇక నేటి ఇండిపెండెన్స్ డే సెలెబ్రేషన్స్లోనూ ప్రకాష్ రాజ్.. తన మా ప్యానెల్తో కలిసి రచ్చ చేశారు. ఇందులో మా జపం చేశారు. మా, మా అంటూ పదే పదే ఉచ్చరించారు. మట్టిని ప్రేమించేవాడు దేశాన్ని ప్రేమిస్తాడు. దేశాన్ని ప్రేమించేవాడే మనుషుల్ని ప్రేమిస్తాడు. మనవాళ్ల కోసం ఆలోచించడం కన్నా దేశభక్తి మరొకటి లేదు అన్న నినాదంతో స్వేచ్చను, స్వచ్చతను, సమసమాజ న్యాయాన్ని కోరుకుంటూ మా శ్రేయస్సు కోసం, మన కోసం మనం.. మా కోసం మనం కదిలి వచ్చి భారత పౌరులుగా గర్విస్తూ గతాన్ని స్మరించుకుంటూ వర్తమానంలోంచి భవిష్యత్తులోకి ఆచరణాత్మక దిశగా అడుగులు వేస్తూ 75వ స్వాతంత్ర్య దినోత్సవ వేడుకలను పురస్కరించుకుని జాతీయ జెండాను ఎగురవేసి జనగణమన జాతీయ గీతాన్ని సిని‘మా’ బిడ్డలుగా ఆలపించి వేడుకలు జరుపుకున్నాము అని చెప్పుకొచ్చారు.
from Telugu Movie News | Movie News in Telugu | Movie Gossips in Telugu https://ift.tt/3ANWKxF
v
No comments:
Post a Comment