బుల్లితెరపై హాట్ యాంకర్గా సత్తా చాటుతూనే వెండితెరపై వరుస ఆఫర్స్ పట్టేస్తోంది అనసూయ. జబర్డస్త్ బ్యూటీగా ప్రతి ఇంట సందడి చేస్తూనే థియేటర్స్లో హవా నడిపించేందుకు రెడీ అవుతోంది. ఇప్పటికే చేతిలో అరడజను సినిమాలుండగా.. తాజాగా మరో బంపర్ ఆఫర్ తలుపుతట్టిందని తెలుస్తోంది. మెగాస్టార్ సినిమాలో అనసూయ పవర్ఫుల్ పాత్రలో కనిపించే ఛాన్స్ కొట్టేసినట్లు టాక్ నడుస్తోంది. మెగా పవర్ స్టార్ రామ్ చరణ్కు అత్తగా, టాలీవుడ్ రంగమ్మత్తగా ఫుల్ ఫేమస్ అయిన అనసూయను మెగాస్టార్ చిరంజీవి సినిమాలో తీసుకునేందుకు ప్రయత్నాలు జరుగుతున్నాయట. అన్నీ కుదిరితే చిరంజీవితో కూడా ఆమె స్క్రీన్ షేర్ చేసుకునే ఛాన్స్ ఉన్నట్లు తెలుస్తోంది. రీసెంట్గా మోహన్ రాజాతో 'లూసిఫర్' రీమేక్ సెట్స్ పైకి వచ్చిన సంగతి తెలిసిందే. '' పేరుతో భారీ బడ్జెట్ కేటాయించి ఈ మూవీ రూపొందిస్తున్నారు. ఈ మూవీలో అనసూయను ఓ కీలకపాత్ర కోసం ఎంపిక చేసినట్లు సమాచారం. శ్రీమతి సురేఖ కొణిదెల సమర్పణలో కొణిదెల ప్రొడక్షన్ కంపెనీ, సూపర్ గుడ్ ఫిలింస్, ఎన్వీఆర్ ఫిలింస్ బ్యానర్స్ సంయుక్తంగా ఈ సినిమాను నిర్మిస్తున్నాయి. తమన్ బాణీలు కడుతున్నారు. ఇందులో నయనతార కూడా భాగం కానుందని తెలుస్తుండగా.. అతి త్వరలో నటీనటుల పూర్తి వివరాలు తెలుపుతామని చిత్రయూనిట్ అంటోంది. ఇకపోతే అనసూయ ప్రస్తుతం సుకుమార్- అల్లు అర్జున్ కాంబోలో తెరకెక్కుతున్న 'పుష్ప' సినిమాలో నటిస్తోంది. అలాగే కృష్ణవంశీ రూపొందిస్తున్న 'రంగమార్తాండ' సినిమాతో పాటు చిరంజీవి 'ఆచార్య'లో కూడా భాగమైనట్లు తెలుస్తోంది. సో.. చూస్తుంటే రానున్న రోజుల్లో వెండితెరపై కూడా అనసూయదే హవా అనిపిస్తోంది కదూ!.
from Telugu Movie News | Movie News in Telugu | Movie Gossips in Telugu https://ift.tt/3zgyjbz
v
No comments:
Post a Comment