‘అల్లుడు శీను’ సినిమాతో తెలుగు ఇండస్ట్రీకి ఎంట్రీ ఇచ్చాడు స్టార్ ప్రొడ్యూసర్ బెల్లంకొండ సురేశ్ కుమారుడు బెల్లంకొడ శ్రీనివాస్. తొలి సినిమా కాస్త ఫర్వాలేదు అనిపించినా.. ఆ తర్వాత వచ్చిన సినిమాలేవీ అతనికి మంచి సక్సెస్ని అందించలేకపోయాయి. ఆ మధ్యలో వచ్చిన ‘రాక్షసుడు’ అనే సినిమా ఓ మాదిరిగా ప్రేక్షకులను ఆకట్టుకుంది. తమిళంలో సూపర్హిట్ సాధించిన ‘రాట్ససన్’ సినిమా రీమేక్గా ఈ సినిమా రూపొందింది. ఇక లేటెస్ట్గా నబా నటేశ్, అనూ ఇమ్మాన్యుయేల్ హీరోయిన్లుగా ‘అల్లుడు అదుర్స్’ అంటూ ప్రేక్షకులను పలకరించాడు అతను. కానీ, ఈ సినిమా కూడా తీవ్రంగా నిరాశపరించింది. బాక్సాఫీస్ వద్ద బోల్తా పడిన ఈ సినిమా ఓటీటీల్లోనూ ప్రేక్షకులను అలరించలేకపోయింది. ప్రస్తుతం బాలీవుడ్లోకి ఎంట్రీ ఇచ్చేందుకు రెడీ అవుతున్నాడు. యంగ్ రెబల్స్టార్ హీరోగా, ఎస్ఎస్ రాజమౌళి దర్శకత్వంలో రూపొందిన ఛత్రపతి హిందీ రీమేక్లో ఆయన ప్రధాన పాత్రలో నటిస్తున్నాడు. ఈ సినిమాలో రెజీనా కస్సాండ్రా హీరోయిన్గా నటిస్తున్నట్లు సమాచారం. ఈ మధ్యే రాజమౌళీ స్వయంగా ఈ సినిమాను ఆరంభించారు. ఇక ఈ సినిమాతో పాటు.. ఆయన మరో ఆసక్తికర సినిమాలో నటిస్తున్నాడు. అదీ ఓ బయోపిక్ కావడం మరో విశేషం. స్టూవర్ట్ పురం దొంగ అయిన క్రిమినల్ టైగర్ నాగేశ్వరరావు కథ ఆధారంగా తెరకెక్కుతున్న ‘స్టూవర్ట్ పురం దొంగ’ బయోపిక్లో ఆయన నటిస్తున్నారు. ‘బయోపిక్ ఆఫ్ ఏ టైగర్’ అనేది ఈ సినిమా క్యాప్షన్ కొన్ని రోజుల క్రితం ఈ సినిమా కోసం శ్రీనివాస్తో పాటు, హీరో రానా, రవితేజలను మేకర్స్ సంప్రదించారని సమాచారం. అయితే శ్రీనివాస్ ఈ సినిమాకు ఓకే చెప్పారట. తాజాగా శ్రీనివాస్ స్వయంగా ఈ సినిమా పోస్టర్ని విడుదల చేశారు. ఈ సినిమా షూటింగ్ త్వరలోనే ప్రారంభం అవుతుందని.. ఈ సినిమాలో నటించడం తనకు ఎంతో ఆసక్తిగా ఉందని ఆయన పేర్కొన్నారు. శ్రీ లక్ష్మి నరసింహ ప్రొడక్షన్స్ బ్యానర్ ఈ సినిమాను బెల్లంకొండ సురేష్ నిర్మిస్తున్నారు. ఈ సినిమాకు సంగీతం అందిస్తున్నారు.
from Telugu Movie News | Movie News in Telugu | Movie Gossips in Telugu https://ift.tt/3m0QIoW
v
No comments:
Post a Comment