అంతకంటే స్పెషల్ ఇంకేముంది.. ‘ఆచార్య’ రిలీజ్‌డేట్‌పై ఆ రోజే ప్రకటన వస్తుందట..?

మెగా అభిమానులు ఎంతో ఆస‌క్తిగా ఎదురుచూస్తున్న క్రేజీ కాంబినేషన్ మెగాస్టార్ , స్టార్ డైరెక్టర్ కొరటాల శివలది. ఈ కాంబోలో ‘’ సినిమాను ప్రకటించి చాలాకాలం అయింది. ప్రకటన వచ్చిన రోజు నుంచి సినిమాపై భారీ అంచనాలు నెలకొన్నాయి. శ్రీమతి సురేఖ కొణిదెల సమర్పణలో కొణిదెల ప్రొడ‌క్షన్ కంపెనీ, మ్యాట్నీ ఎంట‌ర్‌టైన్‌మెంట్ నిరంజ‌న్ రెడ్డి ఈ చిత్రాన్ని నిర్మిస్తున్నారు. అంతేకాదు రామ్ చరణ్ ఈ సినిమాలో ఓ కీలక పాత్రలో కూడా నటిస్తున్నారు. అయితే ఈ సినిమా షూటింగ్‌కు కరోనా వైరల్ పదే పదే అడ్డుపడుతోంది. కరోనా మొదటి వేవ్ సందర్భంగా ఈ సినిమా షూటింగ్ వాయిదా పడింది. ఆ తర్వాత పరస్థితులు మామూలు దశకు రావడంతో షూటింగ్‌ను మళ్లీ ప్రారంభించింది యూనిట్.. ఈ నేపథ్యంలో సినిమాకు సంబంధించిన టీజర్, కొన్ని పోస్టర్‌లు, ఓ పాటను విడుదల చేసి.. సినిమాపై అంచనాలు అమాంతం పెంచేశారు. అంతా హాయిగా ఉంది అని అనుకొనే సమయంలో కరోనా సెకండ్ వేవ్ యావత్ దేశాన్ని కుదిపేసింది. దీంతో సినిమా షూటింగ్ మరోసారి వాయిదా వేయక తప్పలేదు. ప్రస్తుతం పరిస్థితులు మళ్లీ మామూలు కావడంతో సినిమాను త్వరగా పూర్తి చేసేందుకు చిత్ర యూనిట్ ప్రయత్నాలు చేస్తోంది. అయితే త్వరలోనే ఓ ప్రత్యేకమైన రోజున సినిమా విడుదల తేదీని ప్రకటించనుందట చిత్ర యూనిట్. అది మరేదో రోజు కాదు.. మెగాస్టార్ పుట్టినరోజు. ఆగస్టు 22వ తేదీన మెగాస్టార్ పుట్టినరోజు సందర్భంగా సినిమా విడుదల తేదీపై ప్రకటన వచ్చే అవకాశం ఉందని చిత్ర వర్గాల్లో బలమైన టాక్ వినిపిస్తోంది. ఇక సినిమా విషయానికొస్తే.. ఈ సినిమాలో హీరోయిన్లుగా కాజల్ అగర్వాల్, పూజా హెగ్డేలు నటిస్తున్నారు. సోనూసూద్, జిషు షేన్ గుప్తా ఈ చిత్రంలో కీలక పాత్రలు పోషిస్తున్నారు. మణిశర్మ సంగీతం సమకూరుస్తున్నారు.

from Telugu Movie News | Movie News in Telugu | Movie Gossips in Telugu https://ift.tt/2UcoaNS
v