అమలాపురంలో ఆమీర్ ఖాన్.. కాకినాడలో బస.. ఓడలరేవు వైపుగా మిస్టర్ పర్ఫెక్ట్

బాలీవుడ్‌ మిస్టర్ పర్ఫెక్ట్ ఆమిర్‌ ఖాన్‌ తూర్పుగోదావరి జిల్లా కాకినాడలో సందడి చేస్తున్నారు. తన ‘లాల్‌సింగ్‌ చద్దా’ సినిమా షూటింగ్‌ నిమిత్తం ఆయన కాకినాడకు వచ్చారు. బుధవారం అర్ధరాత్రి దాటిన తరువాత కాకినాడ చేరుకున్న ఆయన సరోవర్‌ పోర్ట్‌కో హోటల్‌లో బస చేశారు. కాకినాడ–ఉప్పాడ, బీచ్‌, పోర్టు, అమలాపురం సమీపంలో ఓడలరేవు బీచ్‌, ఇతర ప్రముఖ ప్రాంతాల్లో జరిగే షూటింగ్‌లో ఆమిర్ పాల్గొంటారని చిత్రబృంద సభ్యుల్లోని ఒకరు తెలియజేశారు. బుధవారం ముంబైలో బయలుదేరిన ఆమిర్ ఖాన్.. అర్ధరాత్రి దాటిన తరువాత కాకినాడ చేరుకున్నారు. గురువారం మొత్తం హోటల్‌లోనే బస చేశారు. అయితే బయటకు రాకపోవడంతో అభిమానులు నిరాశతో వెనుతిరిగారు. శుక్రవారం నుంచి ఆయన షూటింగ్‌లో పాల్గొంటున్నారు. బాలీవుడ్‌ అగ్రకథానాయకుడు కావడంతో హోటల్‌లో ఆయనకు భద్రత ఏర్పాటు చేశారు. కాగా, ఓ ఆర్మీ జవాన్‌ జీవిత కథ ఆధారంగా తెరకెక్కుతోన్న ‘లాల్‌సింగ్‌ చద్దా’ చిత్రంలో టాలీవుడ్‌ హీరో నాగచైతన్య ప్రత్యేక పాత్రలో నటిస్తున్న విషయం తెలిసిందే. ఈ చిత్రంతో నాగచైతన్య బాలీవుడ్ ఎంట్రీ ఇస్తున్నారు. ఆయ‌న ఆర్మీ ఆఫీసర్‌ బాలాగా కనిపించ‌నున్నాడు. ఇక ఆమిర్‌ లాల్‌ సింగ్‌ పాత్ర పోషిస్తున్నారు. ఆస్కార్‌ అవార్డు విన్నింగ్‌ ఫిల్మ్, హాలీవుడ్‌ కల్ట్‌ క్లాసిక్‌ ‘ఫారెస్ట్‌గంప్‌’ చిత్రానికి హిందీ రీమేక్‌గా ‘లాల్‌సింగ్‌ చద్దా’ తెరకెక్కుతుంది. ఆమిర్ ఖాన్ ప్రొడక్షన్స్, వయాకామ్ 18 స్టూడియోస్ సంస్థలు రూపొందిస్తున్న ఈ కామెడీ-డ్రామా చిత్రంలో కరీనా కపూర్ కథానాయికగా నటిస్తోంది. 105 కోట్ల రూపాయల బడ్జె‌ట్‌తో నిర్మితమవుతోన్న ఈ చిత్రంలో సల్మాన్ ఖాన్, షారుఖ్ ఖాన్ అతిథి పాత్రల్లో కనిపించనున్నారు. మోనా సింగ్, యోగి బాబు ఇతర పాత్రల్లో నటిస్తున్నారు. అద్వైత్‌ చందన్‌ దర్శకత్వంలో ఈ చిత్రం తెరకెక్కుతోంది. ఇప్పటికే కార్గిల్, లడఖ్, శ్రీనగర్‌ లొకేషన్స్‌లో జరిగిన ఈ సినిమా షూటింగ్‌ షెడ్యూల్స్‌లో నాగ చైతన్య పాల్గొన్నారు. ఈ షెడ్యూల్స్‌లో ఆమిర్, చైతన్యలపై కీలక సన్నివేశాలను చిత్రీకరించారు. లొకేషన్స్ నుంచి కొన్ని ఫొటోలు కూడా బయటికి వచ్చాయి.

from Telugu Movie News | Movie News in Telugu | Movie Gossips in Telugu https://ift.tt/3xDLou9
v