స్టార్ హీరో చుక్కలు చూపించిన దొంగలు.. అత్యాధునిక టెక్నాలజీతో కారు చోరీ

టెక్నాలజీ పెరగడం మానవులకు ఎంతో ఉపయోగకరమైంది. దీని వల్ల చాలా పనులను సులభంగా మారిపోయాయి. ఇంట్లో చేసే వంట, ఇళ్లు శుభ్రం చేయడం, బట్టలు ఉతకడం తదితర పనులకు కూడా పరికరాలు రావడం ఎంతో ఉపయోగకరమైంది. ఇక బయటకు వెళ్లి అన్న స్మార్ట్ కార్లు వచ్చేశాయి. విదేశాల్లో అయితే.. మనం వెళ్లాల్సిన ప్రదేశం పేరు చెబితే చాలు స్వయంగా అదే అక్కడకు తీసుకువెళ్లే సౌలభ్యం కలిగిన కార్లు కూడా వచ్చేశాయి. అయితే ఈ టెక్నాలజీ ఎంత ఉపయోగకరంగా ఉందో.. అంతే.. విపత్కరంగా ఉంది. ముఖ్యంగా దొంగతనాల చేస్తున్న వారికి ఈ టెక్నాలజీ ఓ ఊతకర్రగా మారిపోయింది. దీన్ని అడ్డంపెట్టుకొని ఎన్నో నేరాలకు పాల్పడుతున్నారు కేటుగాళ్లు.. తాజాగా హాలీవుడ్ స్టార్ హీరో టామ్ క్రూజ్‌కి కూడా ఇలాంటి అనుభవమే ఎదురైంది. ఆయన స్మార్ట్ స్పోర్ట్స్‌ కారును టెక్నాలజీ ఉపయోగింది కొట్టేశారు దొంగలు. ప్రస్తుతం టామ్ నటిస్తున్న ‘మిషన్ ఇంపాజిబుల్-7’ షూటింగ్ లండన్‌లో జరుగుతోంది. ఈ క్రమంలోనే అడ్వాన్స్ టెక్నాలజీ కలిగిన దాదాపు కోటి రూపాయిల విలువగత ఆయన కారును అంతే తెలివిగా దొంగలు ఎత్తుకు వెళ్లిపోయారు. కారుకు దగ్గరగా నిలబడ్డ దొంగలు.. ఫ్రీక్వెన్సీ మీటర్ల ద్వారా ఫోబ్ సిగ్నల్ ను క్యాప్చర్ చేయగలిగారు. అదే టైంలో ఒరిజినల్ ఫోబ్‌‌ను రేడియో ఫ్రీక్వెన్సీ ఆధారంగా పనిచేయకుండా చేశారు. అనంతరం దర్జాగా కారును వేసుకొని వెళ్లిపోయారు. అయితే ట్రాకింగ్ సిస్టం ఆధారంగా పోలీసులు కారును ట్రేస్ చేశారు. కారును అయితే పట్టుకోగలిగారు కానీ.. అందులో ఉన్న డబ్బు, విలువైన వస్తువులను మాత్రం దొంగలు పట్టుకెళ్లిపోయారు. అయితే కారును మళ్లీ హీరోకి అప్పగించిన పోలీసులు ఇప్పటికైనా జాగ్రత్తగా ఉండాలి అని సూచించారు.

from Telugu Movie News | Movie News in Telugu | Movie Gossips in Telugu https://ift.tt/3zvdSYw
v