Stand Up Rahul : ప్రియాంక చోప్రా, చలపతి రావులను వాడేవారు.. నవ్వించేందుకు రాజ్ తరుణ్ పాట్లు!

హీరోగా మంచి గుర్తింపును సంపాదించుకున్నారు. అసిస్టెంట్ డైరెక్టర్‌గా కెరీర్ మొదలుపెట్టినా కూడా ఉయ్యాల జంపాల సినిమాతో హీరోగా మారారు. అలా కెరీర్ ప్రారంభంలోనే మంచి హిట్లు పడ్డాయి. వరుస బ్లాక్ బస్టర్‌లతో రాజ్ తరుణ్ దూసుకుపోయారు. కానీ ఆ తరువాతే అసలు సమస్య మొదలైంది. కుమారి 21ఎఫ్ తరువాత రాజ్ తరుణ్‌కు మళ్లీ ఆ రేంజ్ సక్సెస్ రాలేదు. ఇంకా ఓ సక్సెస్ కోసం ప్రయత్నాలు చేస్తూనే ఉన్నారు. ఒరేయ్ బుజ్జిగా అంటూ చివరగా ప్రేక్షకులను పలకరించారు రాజ్ తరుణ్. కానీ అది కూడా బోల్తా కొట్టేసింది. ఇక ఇప్పుడు రాజ్ తరుణ్ మరో కొత్త కాన్సెప్ట్‌తో రాబోతోన్నారు. స్టాండప్ కామెడీ అనే కాన్సెప్ట్ గురించి అందరికీ తెలిసిందే. ఇక ఇప్పుడు రాజ్ తరుణ్ స్టాండప్ కమెడియన్‌గా మారిపోయారు. అనే సినిమాతో తెలుగు ప్రేక్షకులను నవ్వించేందుకు వస్తున్నారు. తాజాగా ఈ మూవీ టీజర్‌ను విడుదల చేశారు. తాజాగా బయటకు వచ్చిన ఈ టీజర్ అందరినీ ఆకట్టుకుంటోంది. ఇందులో అందరినీ నవ్వించేందుకు రాహుల్ పాత్రలో రాజ్ తరుణ్ పడిన కష్టం కనిపిస్తోంది. ఇక ట్రెండ్‌కు తగ్గట్టు జరిగిన వాస్తవ సంఘటనలను కూడా వాడుకున్నారు. మగవాళ్లు కేవలం పిల్లల్ని కనడానికి మాత్రమే అవసరం అని ప్రియాంక చోప్రా అంటే చప్పట్లు కొట్టారు.. అదే మాట చలపతి రావు అంటే తిట్టారు అంటూ జరిగిన సంఘటనలను సినిమాలో వాడేశారు. మొత్తానికి రాజ్ తరుణ్, వెన్నెల కిషోర్, వర్ష బొల్లమ్మాలకు ఈ సారి మంచి హిట్ పడేలా ఉంది. ఈ చిత్రానికి శాంటో దర్శకత్వం వహిస్తున్నారు. ‘రారండోయ్ వేడుక చూద్దాం' వేడుకలో మహిళా యాంకర్ చలపతి రావు దగ్గరకు వచ్చి అమ్మాయిలు ఆరోగ్యానికి హానికరమా సార్? అని అడగ్గా.. దానికి చలపతిరావు సమాధానం ఇస్తూ అమ్మాయిలు ఆరోగ్యానికి హానికరం కాదు కానీ పక్కలోకి పనికొస్తారు అంటూ వివాదాస్పద కామెంట్ చేసిన సంగతి తెలిసిందే.

from Telugu Movie News | Movie News in Telugu | Movie Gossips in Telugu https://ift.tt/2SWXcJu
v