RIPKathiMahesh: కత్తి మహేశ్ మృతిపై తెలుగు హీరోల సంతాపం.. శోకసంద్రంలో ఇండస్ట్రీ..

ఈ మధ్యకాలంలో సినీ పరిశ్రమలో వరుసగా విషాదాలు చోటు చేసుకుంటున్నాయి. కరోనా సెకండ్ వేవ్ నేపథ్యంలో చాలా మంది ప్రముఖులు వైరస్ కారణంగా ప్రాణాలు కోల్పోయారు. మరికొందరు ఇంకొన్ని కారణాలతో తుదిశ్వాస విడిచారు. ఒక విషాదం నుంచి కోలుకొనే లోపే మరో విషాదం చోటు చేసుకోవడం సినీ పరిశ్రమకు తీరని శోకాన్ని నింపుతున్నాయి. తాజా ప్రముఖ విమర్శకుడు, దర్శకుడు, నటుడు, మాజీ బిగ్‌బాస్ కంటెస్టెంట్ కత్తి మహేష్ చెన్నైలోని అపోలో ఆస్పత్రిలో చిక్సిత పొందుతూ తుది శ్వాస విడిచారు. ఆయన మరణం తెలుగు సినీ పరిశ్రమను తీవ్ర దిగ్భ్రాంతిలోకి నెట్టేసింది. రెండు వారాల క్రితం నెల్లూరు జిల్లాలో జరిగిన రోడ్డు ప్రమాదంలో తీవ్రంగా గాయపడిన కత్తి మహేష్. ఆయన ఈరోజు వరకూ చెన్నైలోనే చికిత్స పొందారు ఆరోగ్యం మరింత విషమించడంతో ఆయన శనివారం ప్రాణాలు కోల్పోయారు. ఆయన మృతి ఇండస్ట్రీలో ఉన్న ప్రతీ ఒక్కరిని షాక్‌కి గురి చేసింది. మృతికి పలువురు తెలుగు హీరోలు తీవ్ర సంతాపం వ్యక్తం చేశారు. ముందుగా హీరో మంచు మనోజ్ కత్తి మహేశ్‌కి సోషల్‌మీడియా ద్వారా నివాళులు అర్పించారు. కత్తి మహేష్ మరణ వార్త విని నేను ఎంతో బాధపడ్డాను. ఆయన కుటుంబానికి, మిత్రులకు నా ప్రగాఢ సానుభూతి, ఆయన ఆత్మకు శాంతి చేకూరాలని మనస్పూర్తిగా ప్రార్థిస్తున్నాను. ఓం శాంతి అని మనోజ్ ట్వీట్ చేశారు. నేచురల్ స్టార్ నాని కూడా కత్తి మహేశ్ మృతిపై స్పందించారు. ఈ వార్త విని ఎంతో షాక్ అయ్యాను అని ఆయన పేర్కొన్నారు. తనకు తెలిసి ప్రతిభ ఉన్నవారిని ప్రోత్సాహించడంలో కత్తి మహేష్ ఎప్పుడూ ముందుంటారు అని ఆయన స్పష్టం చేశారు. ఈ సందర్భంలో ఆయన కుటుంబానికి, మిత్రులకు ఆ భగవంతుడు ఎంతో ధైర్యం ప్రసాదించాలని ఆయన ట్వీట్ చేశారు. యువ హీరోలు సందీప్ కిషన్, ఆదర్శ్ బాలకృష్ణ తదితరులు కూడా గురించి ట్వీట్లు చేశారు. కత్తి మహేశ్ ఆత్మకు శాంతి చేకూరాలని సందీప్ కిషన్, ‘బిగ్‌బాస్ హౌస్‌లో అతనితో చాలా కాలంలో కలిసి ఉన్నాను.. ఎంతో జ్ఞానం, మంచి భావాజాలం ఉన్న వ్యక్తి ఆయన చాలా త్వరగా అందరినీ విడిచి వెళ్లిపోయారు. ఆయన కుటుంబానికి నా సానుభూతి’ అంటూ ఆదర్శ్ పేర్కొన్నారు.

from Telugu Movie News | Movie News in Telugu | Movie Gossips in Telugu https://ift.tt/3hxFypo
v