వివాదాలకు దూరంగా ఉండే విక్టరీ .. టాలీవుడ్ వివాదాస్పద ‘మా’ ఎన్నికలపై తన అభిప్రాయాన్ని తెలియజేశారు. వెంకటేష్ హీరోగా నటించిన ‘నారప్ప’ చిత్రం ఈనెల 20న అమెజాన్ ప్రైమ్ వీడియోలో స్ట్రీమింగ్ కానుంది. ధనుష్ నటించిన అసురన్ చిత్రాన్ని తెలుగులో ‘నారప్ప’గా రీమేక్ చేశారు. విక్టరీ వెంకటేష్, ప్రియమణి హీరో హీరోయిన్లుగా రూపొందిన ఈ చిత్రానికి శ్రీకాంత్ అడ్డాల దర్శకత్వం వహించారు. సురేష్ ప్రొడక్షన్స్లో డి. సురేష్బాబు, కలైపులి యస్ థాను సంయుక్తంగా ఈ చిత్రాన్ని నిర్మించారు. ఈ మూవీ రిలీజ్లో భాగంగా శనివారం నాడు మీడియాతో ముచ్చటించారు వెంకటేష్. ఈ సందర్భంగా కొంతమంది మీడియా ప్రతినిధులు ‘మా’ ఎన్నికలపై ప్రశ్నలు సంధించగా.. తనదైన శైలిలో స్పందించారు వెంకటేష్. మూవీ ఆర్టిస్ట్స్ అసోసియేషన్ (మా) ఎన్నికల నేపథ్యంలో వచ్చే విమర్శలు.. మాట్లాడే మాటలు ఏవీ శాశ్వతం కాదన్న ఆయన.. మన చేతుల్లో ఏదీ లేదని.. కాకపోతే అందరికీ మంచే జరగాలని కోరుకుంటున్నట్టు తెలిపారు. మొత్తానికి ఇండస్ట్రీలో ఈ వివాదం జరిగినా నో కామెంట్స్ అని వివాదాలకు దూరంగా ఉండే వెంకీ.. టాలీవుడ్ని హీటెక్కిస్తున్న ‘మా’ ఎన్నికలపై ఈ విధంగా స్పందించారు.
from Telugu Movie News | Movie News in Telugu | Movie Gossips in Telugu https://ift.tt/3kvynQq
v
No comments:
Post a Comment