సినీ ఇండస్ట్రీలో ఈపాటికే ఎన్నో రికార్డులు బ్రేక్ అవ్వాల్సింది.. ఇంకా ఎన్నో కొత్త రికార్డులు క్రియేట్ అవ్వాల్సింది. కానీ కరోనా వల్ల మొత్తం తారుమారైంది. వందల కోట్ల బడ్జెట్లు పెట్టిన చిత్రాలన్నీ కూడా ఏకరువు పెట్టి సరైన సమయం కోసం ఎదురుచూస్తున్నాయి. సెకండ్ వేవ్ దెబ్బకు షూటింగ్లు వాయిదా పడ్డాయి. విడుదల అవ్వాల్సిన సినిమాలన్నీ పత్తా లేకుండా పోయాయి. ఇప్పుడిప్పుడు పరిస్థితులు కాస్త సద్దుమణిగినట్టు కనిపిస్తోంది. ఇలాంటి సమయంలో ప్రభుత్వాలు కూడా నిబంధనలను సడలించాయి. తెలంగాణలో ఇప్పటికే వంద శాతం యాక్సుపెన్సీతో థియేటర్లకు అనుమతినిచ్చింది. కానీ సినిమాలు విడుదల చేసేందుకు ఎవ్వరూ ముందుకు రావడం లేదు. మరో వైపు ఏపీ యాభై శాతం ఆక్యుపెన్సీతో నిబంధనలను సడలించింది. అలా కొన్ని రాష్ట్రాలు సినిమా ప్రదర్శనకు అనుమతి ఇచ్చాయి. కానీ మేకర్స్ మాత్రం ఇంకా ఆలోచనల్లోనే ఉన్నారు. ముందు థర్డ్ వేవ్ రానుందనే హెచ్చరికలు కూడా వస్తున్నాయి. ప్రజలంతా కరోనా భయంలోనే ఉన్నారు. ఇలాంటి సమయంలో జనాలు థియేటర్లకు వస్తారా? అనే అనుమానం సినీ పరిశ్రమలో ఉంది. అయితే తాజాగా కేజీయఫ్ చాప్టర్ 2 నుంచి మేకర్స్ ఓ ప్రకనట చేశారు. గత కొన్ని రోజులుగా ఈ మూవీ విడుదల మీద రూమర్లు వస్తూనే ఉన్నాయి. అయితే థియేటర్లో జనాలు ఎప్పుడూ పూర్తిగా నిండుతారో అప్పుడే కేజీయఫ్ చాప్టర్ 2 వస్తుందనే సందేశాన్ని పరోక్షంగా ఇచ్చారు. గ్యాంగ్స్టర్లందరితో థియేటర్ హాల్ ఎప్పుడైతే నిండుతుందో అప్పుడే మాన్ స్టర్ వస్తాడని ఓ పోస్టర్ను విడుదల చేసింది చాప్టర్ 2 చిత్ర యూనిట్.
from Telugu Movie News | Movie News in Telugu | Movie Gossips in Telugu https://ift.tt/3jK3fw4
v
No comments:
Post a Comment