కరోనా వైరస్ కారణంగా ప్రపంచం మొత్తం అతలాకుతలం అయింది. ఎక్కడ చూసిన ప్రజలు ఆస్పత్రిపాలు కావడం.. మరి పరిస్థితి విషమిస్తే మరణించడం అందరిని ఎంతో భయాందోళనకు గురి చేసింది. ఈ నేపథ్యంలో పరిస్థితులను అదుపులోకి తీసుకువచ్చేందుకు ప్రభుత్వం మొదటి వేవ్లో పటిష్టంగా లాక్డౌన్ విధించింది. దీని వల్ల భారత్లో కరోనా కేసులు చాలా వరకూ తగ్గుముఖం పట్టాయి. ఆ తర్వాత లాక్డౌన్ ఎత్తేయడం.. దీంతో ప్రజలు భయాన్ని మరచి తమకు నచ్చినట్లుగా ఉండటం కరోనా సెకండ్ వేవ్ రావడానికి ప్రధాన కారణంగా చెప్పుకోవచ్చు. అయితే సెకండ్ వేవ్ను కరోనా వ్యాప్తిని అరికట్టేందుకు కూడా మరోసారి ప్రభుత్వం లాక్డౌన్ విధించింది. అయితే ఈసారి మాత్రం కేంద్రం లాక్డౌన్ ఆంక్షల విషయాన్ని పూర్తిస్థాయిలో రాష్ట్రాలకు అప్పజెప్పింది. అలా తెలంగాణలో కొన్ని రోజుల క్రితం అమలులోకి వచ్చిన లాక్డౌన్ గత నెల (జూన్) 20వ తేదీతో ముగిసిపోయింది. దీంతో మళ్లీ అన్ని వ్యాపారాలు యధావిధిగా ప్రారంభం అయ్యాయి. అయితే సినిమా థియేటర్లు మాత్రం తెరవడానికి సందిగ్ధంలో పడిపోయాయి. కరోనా ఇంకా అలాగే ఉన్న పరిస్థితుల్లో థియేటర్లు తెరిచేందుకు యజమానులు జంకారు. కానీ, ఇలా సష్టాల్లో ఎంతకాలం ఉంటామంటూ.. తెలంగాణ ఫిలిమ్ ఛాంబర్ ఈ నెల 23 నుంచి థియేటర్లను ప్రారంభించింది. ఇందులో మరో చిక్కొచ్చిపడింది. థియేటర్లు మళ్లీ ప్రారంభమై సినిమాలు చూసేందుకు ప్రేక్షకులు వచ్చే క్రమంలో టికెట్ల ధరలు ఏ రేంజ్లో ఉంటాయని అంతా భయపడుతున్నారు. దీనిపై ఇప్పటికే సినీ ప్రేక్షక వినియోగదారుల సంఘం హైకోర్టులో ప్రజా ప్రయోజన వ్యాజ్యం దాఖలు చేసింది. గతంలో హైకోర్టు ఇచ్చిన తీర్పు ప్రకారం కాకుండా చట్టప్రకారం టికెట్ల ధరలను ఖరారు చేయడం లేదని పిటిషనర్ తరఫు న్యాయవాది జీఎల్ నర్సింహారావు వాదించారు. తాజాగా దీనిపై ప్రధాన న్యాయమూర్తి హిమా కోహ్లి, జస్టిస్ బీ.విజయసేన్ రెడ్డి ధర్మాసనం విచారణ చేపట్టింది. టికెట్ ధరల నిర్ణయం కోసం ఏర్పాటు చేసిన కమిటీ సూచనల మేరకు నాలుగు వారాల్లో పూర్తి నివేదికను సమర్పించాలని హైకోర్టు ప్రభుత్వాన్ని ఆదేశించింది.
from Telugu Movie News | Movie News in Telugu | Movie Gossips in Telugu https://ift.tt/3iTtq1h
v
No comments:
Post a Comment