బండ్ల గణేష్‌కి పవన్ కళ్యాణ్ ఫ్యాన్స్ రిక్వెస్ట్.. మైండ్ బ్లాక్ అయ్యేలా ‘దేవర’ టైటిల్

రూటే సెపరేటు. నటుడిగా.. నిర్మాతగా.. పొలిటీషియన్‌గా.. ఎక్కడ ఉన్నా ఏం చేసినా.. కెమెరా ఫోకస్ మొత్తం తనవైపుకి తిప్పుకోవడంలో బండ్లన్న మహా దిట్ట. ఇక ఆడియో వేడుకలు.. సినిమా ఫంక్షన్లలో అయితే.. హీరో స్పీచ్‌లకంటే మనోడి స్పీచ్‌లకే యూట్యూబ్‌లో మోత మోగిపోతుంటుంది. ఇక తన దేవుడు పవన్ కళ్యాణ్‌పై భక్తి గురించి చెప్పాలంటే ‘ఈశ్వరా.. పవనేశ్వరా.. పవరేశ్వరా..’ అనేట్టుగానే ఉంటాయి. బండ్ల గణేష్ గురించి ఏం మాట్లాడినా అది పవర్ ఫుల్ తూటాలా పేలుతుంది. వెంకటేశ్వర స్వామికి ఏం ఉత్సవాలు చేస్తారో.. డాలర్ శేషాద్రికి తెలియదా.. అలాగే పవర్ స్టార్ గురించి బండ్ల గణేష్‌కి తెలియదా.. ఆయన నా దేవుడు.. నా ఆస్తి.. నా సర్వస్వం.. ఈశ్వరా.. పవనేశ్వరా.. పవరేశ్వరా.. అంటూ బండ్ల గణేష్ ఇటీవల చేసిన కామెంట్స్ పవన్ కళ్యాణ్ అభిమానుల్ని ఉర్రూతలూగించాయి. పవన్ ఫ్యాన్స్‌లో కాస్త ఎనర్జీ తగ్గినప్పుడల్లా బండ్ల గణేష్ స్పీచ్‌లు ఫుల్ ఎనర్జీ డ్రింక్‌గా పనిచేస్తాయంటే అతిశయోక్తి కాదు. అంతలా పవన్ కళ్యాణ్‌ని ఆరాధిస్తుంటాడు.. ప్రేమిస్తుంటాడు.. పూజిస్తుంటాడు బండ్ల గణేష్. దాన్ని భజన అని విమర్శలు వచ్చినా సరే.. తన అభిమానాన్ని ఇంకా ఇంకా ఎక్కువ ప్రదర్శిస్తుంటాడే తప్ప.. పవన్ కళ్యాణ్ విషయంలో తగ్గేదే ల్యా అనేస్తుంటాడు బండ్లన్న. అయితే ఈ మధ్య పవన్ కళ్యాణ్‌కి అనే పేరు పెట్టాడు బండ్ల గణేష్. ఆ పేరు పెట్టడం వెనుక ఉన్న కారణం కూడా చెప్పాడు. భక్త కన్నప్ప శివుడిని దేవర అని పిలిచేవాడని అందుకే ఇకపై తాను కూడా అలానే పవన్ కళ్యాణ్‌ని ‘దేవర’ అని పిలుస్తానని బండ్ల గణేష్ తెలిపారు. అప్పటి నుంచి ‘దేవర’ అనే పేరు పవన్ కళ్యాణ్ ఫ్యాన్స్ సర్కిల్స్‌లో వైరల్ అవుతుంది. అయితే పవన్ కళ్యాణ్‌తో త్వరలో సినిమా తీస్తానని చెప్పిన బండ్ల గణేష్.. ఆ సినిమాకి ‘దేవర’ () అనే టైటిల్ పెడితే బాగుంటుందని పవన్ ఫ్యాన్స్ నుంచి బండ్ల గణేష్‌కి రిక్వెస్ట్‌లు వస్తున్నాయి. తాజాగా జనసైనికులు ట్విట్టర్‌లో ‘దేవర’ అనే టైటిల్ ఫిక్స్ చేయి అన్నా సూపర్ ఉంది’ అని బండ్ల గణేష్‌ని ట్యాగ్ చేసి ట్వీట్ చేశారు. ఆ ట్వీట్‌ని బండ్ల గణేష్ రీట్వీట్ చేయడంతో సోషల్ మీడియాలో ‘దేవర’ టైటిల్ వైరల్ అవుతోంది.

from Telugu Movie News | Movie News in Telugu | Movie Gossips in Telugu https://ift.tt/3wLWWei
v