సినీ ఇండస్ట్రీలో వారసుల ఎంట్రీ అనేది సర్వసాధారణం. బాలీవుడ్ టు టాలీవుడ్ ఎందరో హీరోహీరోయిన్ల పిల్లలు సినీ గడప తొక్కారు. నటీనటులే గాక దర్శకనిర్మాతల వారసులు కూడా సినిమాల్లోకి ఎంట్రీ ఇస్తుండటం చూస్తున్నాం. దగ్గుబాటి వారి వారసుడిగా కూడా అలాగే ఎంట్రీ ఇచ్చి విక్టరీ హీరోగా స్టార్ స్టేటస్ అనుభవిస్తున్నారు. అయితే ఇప్పుడు వెంకటేష్ వారసుడిగా ఆయన కుమారుడు ఎంట్రీ ఇవ్వబోతున్నట్లుగా వస్తున్న వార్తలపై ఆయన పర్సనల్ మేకప్మెన్ క్లారిటీ ఇచ్చాడు. రీసెంట్గా వచ్చిన 'నారప్ప' సినిమాతో భారీ హిట్ సొంతం చేసుకున్నారు వెంకటేష్. దీంతో ఈ సినిమాకు సంబంధించిన నటీనటులు, ఇతర టెక్నీషియన్స్ని యూట్యూబ్ ఛానెల్స్ ఇంటర్వ్యూ చేస్తున్నాయి. వెంకటేష్ పర్సనల్ మేకప్మెన్గా వ్యవహరిస్తున్న రాఘవ తాజా ఇంటర్వ్యూలో సినిమా విశేషాలతో పాటు పలు కీలక విషయాలు వెల్లడించారు. వెంకటేష్ కుమారుడి సినిమా ఎంట్రీ గురించి కూడా మాట్లాడారు. వెంకటేష్ కుమారుడు అర్జున్ ఓ ఎక్స్ట్రార్డినరీ పర్సన్ అని చెప్పిన ఆయన.. తాను ఎప్పుడు చూసినా అర్జున్ పుస్తకాలతోనే కనిపించేవాడు అని చెప్పుకొచ్చారు. సాధారణంగా స్టార్లకి తమ పిల్లలని సినిమారంగంలోకి తీసుకురావాలని ఉంటుందని వారి కోసం స్పెషల్గా ఒక మంచి డెబ్యూ సినిమా కూడా ప్లాన్ చేయాలని ఉంటుందని కానీ వెంకటేష్ కుమారుడు విషయానికి వస్తే అలాంటిదేమీ లేదని అన్నాడు. సినిమాల పట్ల అతనికి ఆసక్తి ఉన్నట్లు తనకైతే అనిపించడం లేదని చెప్పాడు. బహుశా చదువు పూర్తయ్యాక అప్పుడు సినిమాల మీద దృష్టి పెట్టే అవకాశం ఉండొచ్చేమో అని రాఘవ అన్నాడు.
from Telugu Movie News | Movie News in Telugu | Movie Gossips in Telugu https://ift.tt/3x8PBWg
v
No comments:
Post a Comment