కాన్సెప్ట్ ఓరియెంటెడ్ సినిమాలకు ఎప్పటికీ డిమాండ్ తరిగిపోదు. ఒకవేళ వెండితెరపై ఆడకపోయినా క్రమంగా మౌత్ టాక్ పెరిగి బులితెరపై ఫుల్ డిమాండ్ చేకూరుతుంది. ఇలాంటి సందర్భాలు చాలానే చూశాం. తాజాగా మెడికల్ మాఫియాా మోసాలకు అద్దం పట్టే కాన్సెప్ట్తో బరిలోకి దిగుతోంది 'బలమెవ్వడు' మూవీ. కార్పొరేట్ ఆస్పత్రుల ధన దాహాన్ని కళ్ల ముందుంచేలా ఈ సినిమా రూపొందిస్తున్నారని తెలుస్తోంది. ధృవన్ కటకం ఈ మూవీతో హీరోగా పరిచయం కాబోతున్నాడు. నియా త్రిపాఠీ హీరోయిన్గా నటిస్తోంది. సుహసినీ, నాజర్, పృథ్విరాజ్ ఇతర కీలక పాత్రలు పోషిస్తున్నారు. సనాతన దృశ్యాలు సమర్పణలో ఆర్ బి మార్కండేయులు "బలమెవ్వడు" చిత్రాన్ని నిర్మిస్తున్నారు. సత్య రాచకొండ దర్శకత్వం వహిస్తున్నారు. మణిశర్మ సంగీతం ఈ సినిమాకు ఆకర్షణ కానుంది. ఆదివారం (జూలై 11) స్వర బ్రహ్మ మణిశర్మ బర్త్ డే సందర్భంగా "బలమెవ్వడు" కాన్సెప్ట్ టీజర్ రిలీజ్ చేశారు. పూర్వకాలంలో వైద్యాన్ని సేవగా భావించిన పుణ్యభూమి మన దేశం. కానీ క్రమంగా వైద్యం వ్యాపారంగా మారింది. కార్పొరేట్ రూపు దాల్చింది. దీంతో వైద్యం కొనుక్కోలేక సాధారణ ప్రజలు ఎన్నో ఇబ్బందులు పడుతున్నారు. ఇవాళ నాణ్యమైన వైద్యం సామాన్యుడికి అందనంత దూరమైంది అనే విషయాలను ఈ 'బలమెవ్వడు' కాన్సెప్ట్ టీజర్లో స్పష్టంగా చూపించారు. వైద్యం సేవ కాదు అదో వ్యాపారం.. రక్తాన్ని కూడా వదలడం లేదు అంటూ వచ్చిన సన్నివేశాలు ఆలోచింపజేస్తున్నాయి. భగవద్గీతలోని ప్రసిద్ధ శ్లోకం వైద్యో నారాయణో హరిని పేర్కొంటూ మెడిసిన్స్ గంగా తీర్థంలా పవిత్రంగా ఉండాలని, వైద్యుడు దేవుడితో సమానమని గుర్తు చేశారు. ''బలమెవ్వడు కరి బ్రోవను అనే శ్రీకృష్ణ'' శతక పద్యం వినిపిస్తుంటే డాక్టర్ క్యారెక్టర్స్లో ఫృథ్విరాజ్, సుహసిని, నాజర్ పాత్రలను పరిచయం చేశారు. చివరలో మణిశర్మకు చిత్రయూనిట్ పుట్టినరోజు శుభాకాంక్షలు తెలిపారు. నిజ జీవితంలో జరిగిన ఘటనల ఆధారంగా రూపొందిస్తున్న ఈ చిత్రాన్ని అతి త్వరలో రిలీజ్ చేయనున్నారు.
from Telugu Movie News | Movie News in Telugu | Movie Gossips in Telugu https://ift.tt/3e5Ze1m
v
No comments:
Post a Comment