బయోపిక్.. ఈ మధ్యకాలంలో సినిమా ఇండస్ట్రీలో పాపులర్ అవుతున్న జానర్ ఇది. ఎవరైన ఓ ప్రముఖ వ్యక్తి జీవిత కథని ఆధారంగా తీసుకొని.. ఆ వ్యక్తిని పోలిన లేక.. అందుకు చేరువలో ఉన్న నటులను ప్రధాన పాత్రలో తీసుకొంటూ ఈ సినిమాలను రూపొందిస్తున్నారు దర్శకనిర్మాతలు. బాలీవుడ్లో ప్రారంభమైన ఈ సాంప్రదాయం క్రమంగా దక్షిణ సినీ పరిశ్రమలకు కూడా వ్యాపించింది. తెలుగులో సావిత్ర, ఎన్టీఆర్, వైఎస్ఆర్ తదితర ప్రముఖల కథల ఆధారంగా బయోపిక్లు తెరకెక్కి మంచి విజయం సాధించాయి. అయితే త్వరలో ఓ ఆసక్తికరమైన బయోపిక్ మనందరిని పలకరించనుంది. అది మరెవరిదో కాదు.. ఎన్నో సినిమాలతో తెలుగు ప్రేక్షకుల హృదయాలను దోచుకున్న దర్శకరత్న దాసరి నారాయణ రావుది. ‘తాత మనవడు’ సినిమాతో వెండితెరకు దర్శకుడిగా పరిచయం అయిన ఆయన .. ఆ తర్వాత ఎన్నో ఆణిముత్యాలు వంటి సినిమాలను తెలుగు ప్రేక్షకులకు అందించారు. ఆయన దర్శకత్వంలో రూపొందిన కొన్ని సినిమాలు ఇప్పటికి ప్రేక్షకుల మదిలో చిరస్థాయిలో నిలిచిపోయాయి. దర్శకుడిగా మాత్రమే కాదు.. ఒక నటుడిగా కూడా ఆయన చాలా సినిమాల్లో ప్రేక్షకులకు కావాల్సినంత వినోదాన్ని పంచారు. కాగా, దర్శకుడిగా జాతీయ అవార్డులతో పాటు అంతర్జాతీయ పురస్కారాలు కూడా అందుకున్ ఆయన 2017లో తుదిశ్వాస విడిచారు. అయితే దాసరి బయోపిక్ గురించి చాలా రోజులుగా చర్చ జరుగుతోంది. ప్రతీ ఏడాది దాసరి పుట్టినరోజు వచ్చినప్పుడల్లా.. ఆయనపై బయోపిక్ రూపొందిస్తామంటూ ఆయన శిష్యులు చెబుతూనే వస్తున్నారు. కానీ, ఏదీ కూడా పట్టాలు ఎక్కలేదు. మొత్తానికి దాసరి బయోపిక్ లైన్లోకి వచ్చింది. దాసరి శిష్యుల్లో ఒకరైన ధవళ సత్యం ఆయన బయోపిక్ని రూపొందిస్తున్నట్లు ప్రకటించారు. అయితే ఈ ప్రకటన దాసరి శిష్యుల్లో కాస్త సంతోషాన్ని నింపినా.. అంతకంటే ఎక్కువ సందేహాన్ని కూడా నింపింది. దాసరి బయోపిక్లో ఎవరు ప్రధాన పాత్రలో నటిస్తారు..? కథని ఉన్నది ఉన్నట్లుగా చూపిస్తారా.. లేక తమకు నచ్చినట్లుగా మార్చేసి చూపిస్తారా? అనే సందేహాలు ఇప్పుడు వినిపిస్తున్నాయి. దాసరిలో ఉన్న పాజిటివ్ కోణాన్ని మాత్రమే సినిమాలో చూపించి చేతులు దులుపుకుంటారా.. లేక ప్రతీ విషయాన్ని సూక్షంగా పరిశీలించి సినిమా ద్వారా ప్రజలకు తెలియజేస్తారా అని అభిమానులు భావిస్తున్నారు. మరి ఈ ప్రశ్నలకు సమాధానం లభించాలంటే.. చిత్ర బృందం నుంచి అధికారిక ప్రకటన వచ్చే వరకూ ఎదురుచూడాలి.
from Telugu Movie News | Movie News in Telugu | Movie Gossips in Telugu https://ift.tt/3yJQ02D
v
No comments:
Post a Comment