అలాంటి అనుభవమే ఎదురుకాలేదు.. నోరు విప్పిన టాక్సీవాలా భామ

టాక్సీవాలా సినిమాతో హీరోయిన్‌గా ఇచ్చిన తెలుగమ్మాయి మంచి గుర్తింపునే తెచ్చుకున్నారు. అయితే ఈ చిత్రం వచ్చి మూడేళ్లు గడుస్తున్నా కూడా మరో ప్రాజెక్ట్‌తో ప్రేక్షకులను పలకరించలేదు. కానీ ఇప్పుడు మాత్రం వరుస సినిమాలతో ఆడియెన్స్‌ను కట్టిపడేసేందుకు రెడీ అయ్యారు. ఈ మూడేళ్లలో తాను ఏ ఒక్క రోజు కూడా ఖాళీగా లేనని, సినిమా షూటింగ్‌లతో బిజీగా ఉన్నానని చెప్పుకొచ్చారు. ఈ క్రమంలో ఆమె నటించిన సినిమా విశేషాలను చెబుతూ తన పర్సనల్ సంగతులను కూడా వివరించారు. ఆ మధ్య ఓ సారి ప్రియాంక కాలేజీ రోజుల్లో దిగిన ఓ ఫోటో చక్కర్లు కొట్టింది. మొహం అంతా మొటిమలతో, చబ్బీగా ఉన్న ఆమెను చూసి అందరూ ట్రోల్ చేశారు. అందులో తప్పేముందని ప్రియాంక సైతం కౌంటర్లను తిప్పి కొట్టారు. అయితే అప్పుడు అలా ఉండటానికి ఆరోగ్య సమస్యలే కారణమని చెప్పుకొచ్చారు. ‘టాక్సీవాలా’ తర్వాత తాను చాలా లావై పోయానని అన్నారు. థైరాయిడ్‌ సమస్యతో పాటు హార్మోన్ల అసమతౌల్యం వల్ల నేను అనారోగ్యానికి గురయ్యా అన్న సంగతి గుర్తించలేకపోయాని తెలిపారు. ఒకానొక సమయంలో ముఖమంతా మొటిమలు విపరీతంగా వచ్చేశాయని, దాంతో ఆస్పత్రికి వెళ్లి పరీక్షలు చేయించుకుంటే.. తనకున్న సమస్యలన్నీ బయటకొచ్చాయని తెలిపారు. అప్పుడు చాలా భయపడ్డానని అన్నారు. తర్వాత తన జీవన శైలిని పూర్తిగా మార్చుకోవాలని బలంగా నిర్ణయించుకున్నా. వ్యాయామాలు, యోగా చేయడం ప్రారంభించానని అన్నారు. ప్రత్యేక డైట్‌ తీసుకోవడం మొదలు పెట్టానని, ఇంట్లోనే రకరకాల కసరత్తులు చేసి మళ్లీ ఇలా ఫిట్‌గా మారానని చెప్పుకొచ్చారు. తెలుగమ్మాయిలకు ఇండస్ట్రీలో అవకాశాలు రావని, వచ్చినా కూడా అవి కోల్పోవాల్సి వస్తుందనే టాక్ ఉంది. దానిపై ప్రియాంక స్పందిస్తూ.. ఈమధ్య ఇండస్ట్రీలో తెలుగు కథానాయికల సందడి బాగానే కనిపిస్తోంది. మంచి అవకాశాలే దక్కుతున్నాయి. చాలా మంది ‘తెలుగమ్మాయి కావడం వల్ల ఏమన్నా అవకాశాలు కోల్పోయారా’ అని అడుగుతుంటారు. నిజానికి నాకిప్పటి వరకు అలాంటి అనుభవమే ఎదురుకాలేదు. ఆ ఫీలింగ్‌ ఎప్పుడూ కలగలేదు. కథలు.. పారితోషికాల విషయాల్లో కొన్ని సినిమాలు చేజారి ఉండొచ్చు.. అంతే కానీ, మరే ఇబ్బందులు లేవు. ఓ తమిళ చిత్రానికీ సంతకాలు చేశా. కరోనా పరిస్థితుల వల్ల కాస్త ఆలస్యమవుతోందని తన గురించి చెప్పుకొచ్చారు.

from Telugu Movie News | Movie News in Telugu | Movie Gossips in Telugu https://ift.tt/3hzY4NU
v