మరో కొత్త అవతారం ఎత్తిన రియల్ హీరో సోనూసూద్.. ఈసారి అందరికి సర్‌ప్రైజ్ ఇచ్చారుగా..

క‌రోనా క‌ష్ట‌కాలంలో ఎంతో మందికి త‌న వంతు సాయమందిస్తూ రియ‌ల్‌ హీరో అయిపోయారు నటుడు సోనూసూద్. ఎవరు ఏ సాయం కావాలని అడిగినా వెంటనే నేనున్నానంటూ వారికి భరోసా కల్పిస్తున్నారు. ప్రతిరోజూ వేలమంది సోషల్‌ మీడియా వేదికగా ఆయన్ను సాయం కోసం ఆశ్రయిస్తున్నారు. మరికొందరు వేలాది కిలోమీటర్లు ప్రయాణం చేసిన మరీ ఇంటి వద్ద ఆయన్ని కలుసుకొని.. తమ కష్టాలను తీర్చాలని కోరుకుంటున్నారు. సహాయం అడిగిన ప్రతీ ఒక్కరికి సహాయం చేసేలా చర్యలు చేపడుతున్నారు సోనూ. అయితే ప్రజలకు సాయం చేసేందుకు తాను ఎంత దూరం వెళ్లేందుకు అయినా సిద్ధంగా ఉంటాను అంటూ కొన్ని విభిన్నమైన రీతుల్లో సోనూ నిరూపిస్తున్నారు. కొద్ది రోజుల క్రితం కరోనా కారణంగా తీవ్రంగా నష్టాల పాలైన చిరు వ్యాపారులకు మద్దతు ఇస్తూ.. ఆయన ఓ చిరు వ్యాపారిగా మారిపోయారు. సైకిల్‌పై గుడ్లు, బ్రెడ్ తదితర తినుబంఢారాలను పెట్టుకొని ఆయన అమ్మకం ప్రారంభించారు. అలా చిర వ్యాపారులకు ఆయన అండగా నిలిచారు. తాజాగా సోనూ కొత్త అవతారం ఎత్తారు. ఎవరూ ఊహించని విధంగా ఆయన వంటవాడిగా మారిపోయారు. ఈసారి చిన్న హోటల్స్‌, ధాబాలకు ఆయన అండగా నిలవాలని నిర్ణయించుకున్నారు. దీంతో స్వయంగా ఆయన ధాబా ఓనర్‌గా మారిపోయి.. తందూరి రోటీలు చేశారు. ‘సోనూసూద్ దా పంజాబీ ధాబా ఇది.. ఇక్కడ దాల్.. రోటీ ఉచితమే’ అంటూ ఆయన ఓ వీడియోని ఇన్‌స్టాగ్రామ్ ద్వారా పంచుకున్నారు. ఒక్కసారి కానీ మీరు సోనూసూద్ ధాబాలో రోటీలు తింటే.. ఆ తర్వాత కచ్చితంగా వేరే ఎక్కడికి వెళ్లకుండా తన ధాబాకే వస్తారు ఇది పక్కా అంటూ సోనూ వీడియోలో పేర్కొన్నారు. ఇలా తనదైన స్టైల్‌లో చిరు వ్యాపారులకు సోనూ మరోసారి మద్దతు తెలిపారు. ఆయన చేసిన ఈ పనిపై మరోసారి సర్వత్ర ప్రశంసల వర్షం కురుస్తోంది.

from Telugu Movie News | Movie News in Telugu | Movie Gossips in Telugu https://ift.tt/375vhKN
v