సినీ ఇండస్ట్రీలో ఎప్పుడు ఏం జరుగుతుందో ఎవ్వరూ ఊహించలేరు. ఎప్పుడు ఎవరు ఒక్కటి అవుతారు.. ఎప్పుడెవరు విడిపోతారో చెప్పలేం. ప్రేమలు, పెళ్లిళ్లు, బ్రేకప్పులు అక్కడ సర్వసాధారణం. మరీ ముఖ్యంగా బాలీవుడ్ ఇండస్ట్రీలో అయితే ఇలాంటి వ్యవహారాలు కోకొల్లలు. తాజాగా కిరణ్ రావ్లు విడిపోయారు. తమ పదిహేనేళ్ల దాంపత్య జీవితానికి ముగింపు పలికారు. ఈ మేరకు వదిలిన అధికారిక ప్రకటన అందరినీ ఆశ్చర్యపరుస్తోంది. ఈ మధ్యే తమ 15వ వివాహా దినోత్సవాన్ని ఎంతో ఘనంగా సెలెబ్రేట్ చేసుకున్నారు. కానీ ఇంతలోపే ఇలా జరిగిపోయింది. ఆమిర్ ఖాన్ వైవాహిక జీవితం ఎప్పుడూ కూడా కాంట్రవర్సీ అవుతూనే ఉంటుంది. కిరణ్ రావును రెండో పెళ్లి చేసుకున్న తరుణంలోనూ అంతా షాక్ అయ్యారు. ఇప్పుడు ఇలా విడిపోవడంతో మళ్లీ అదే షాక్కు గురవుతున్నారు. ఆమిర్ దంపతులకు ఆజాద్ అనే కుమారుడు ఉన్న సంగతి తెలిసిందే. అయితే తామిద్దరం విడిపోయినా కూడా తమ సంతానమైన ఆజాద్ను కలిసే పెంచుతామని అన్నారు. ఈ మేరకు వారు చేసిన ప్రకటన వైరల్ అవుతోంది. ‘ఈ పదిహేనేళ్ల ప్రయాణంలోనే మేం జీవితాన్ని మొత్తంగా అనుభవించాం. కలిసి సంతోషాలు పంచుకున్నాం.. సరదాగా నవ్వుకున్నాం.. నమ్మకంతో మా సంబంధం అలా పెరుగుతూనే వచ్చింది. ఒకరిపై ఒకరికి గౌరవం ప్రేమ ఉన్నాయి. అయితే ఇప్పుడు మాత్రం మా జీవితంలో సరికొత్త ఆరంభాన్ని ప్రారంభించాలని అనుకుంటున్నాం. ఇకపై మేం భార్యాభర్తల్లా ఉండదల్చుకోలేదు. ఫ్యామిలీ మెంబర్స్, పనిలో కో పార్ట్నర్స్గా కలిసే ఉంటాం. కొంత కాలం క్రితమే మేం ఇద్దరం విడిగా ఉండాలని నిర్ణయించుకున్నాం. దానికి సమయం ఇప్పుడు వచ్చింది. అన్ని ఫార్మాలిటీస్ను పూర్తి చేసేశాం. ఇకపై విడిగా ఉంటూనే కుటుంబ బాధ్యతలను నెరవేరుస్తాం. మా కుమారుడు ఆజాద్కు మేం తల్లిదండ్రుల్లానే ఉంటాం. కలిసే పెంచుతాం. సినిమాల కోసం పాని ఫౌండేషన్కు కలిసే పని చేస్తాం. మా రిలేషన్ను అర్థం చేసుకుని మద్దతిస్తున్న మా ఫ్రెండ్స్, ఫ్యామిలీ మెంబర్స్ అందరికీ థ్యాంక్స్. వారే లేకుండా మేం ఈ నిర్ణయాన్ని తీసుకోలేకపోయే వాళ్లం. మా శ్రేయోభిలాషులందరికీ ఒకటే చెబుతన్నాం.. ఈ విడాకులు అంతం కాదు.. కొత్త జీవితానికి ఆరంభంలా చూడండి’ అని చెప్పుకొచ్చారు.
from Telugu Movie News | Movie News in Telugu | Movie Gossips in Telugu https://ift.tt/3wjkAOR
v
No comments:
Post a Comment