‘ప్రకాష్ రాజ్ వల్ల బాధపడ్డవాళ్లు ఇండస్ట్రీలో ఎందరో.. 21 సార్లు నోటీసులు, 2 సార్లు సస్పెండ్’

వల్ల ఇండస్ట్రీలో ఇబ్బంది పడిన వాళ్లు చాలామందే ఉన్నారని అన్నారు ‘మా’ ప్రెసిడెంట్ పదవికి పోటీపడుతున్న సీవీఎల్ నరసింహారావు. ప్రకాష్ రాజ్ ఎలాంటి వాడనే విషయాన్ని చెప్పాలంటే పాత విషయాలను గుర్తుచేసుకోవాల్సిందేనంటూ దూకుడు, ఇతర సినిమాల టైంలో జరిగిన విషయాలను చెప్పారు సీవీఎల్. ఆయన మాట్లాడుతూ.. ‘ప్రొడ్యుసర్‌తో పాటు.. అన్ని క్రాఫ్ట్స్‌ల వాళ్లని ఇబ్బంది పెడతారు ప్రకాష్ రాజ్. 21 సార్లు సస్పెన్షన్ నోటీసులు.. రెండు సార్లు సస్పెండ్ చేశారు.. ఇలా చాలా జరిగాయి. కోటా శ్రీనివాసరావుగారు ధర్నా కూడా చేశారు. ఎన్ని గొడవలు అయినా నాకు వేషాలు వస్తున్నాయని ఆయనకు ఉంటుంది. ఎందుకంటే తెలంగాల, ఆంధ్రాలో అంత గొప్పనటుడు లేడనేది ఆయన ఫీలింగ్. అతనికంటే అద్భుతమైన నటులను టకా టకా 50 మంది పేర్లు చెప్పగలను. కాకపోతే కొంతమందికి అవకాశాలు రాలేదు అయనకి వచ్చాయి అంతే తేడా. అన్ని భాషల్లోనూ అవకాశాలు వచ్చాయి.. జాతీయ అవార్డు గ్రహీత కూడా.. డబ్బులు బాగా సంపాదించాడు.. అంతమాత్రం చేత ఆయనకంటే గొప్పనటుడు లేడంటే మాత్రం అది నిజం కాదు’ అని షాకింగ్ కామెంట్స్ చేశారు సీవీఎల్. ఇదిలా ఉంటే.. రీసెంట్‌గా వకీల్ సాబ్ చిత్రంలో ప్రకాష్ రాజ్‌తో కలసి నటించారు సీవీఎల్.. దాంతో పాటు జాతిరత్నాలు సినిమా కూడా చేశారు. ప్రస్తుతం ఈయన చేతిలో పదికిపైగా చిత్రాలు ఉన్నాయి. టక్ జగదీష్, ఆచార్య, దృశ్యం 2 తదితర సినిమాలతో పాటు.. ఆనంద్ దేవరకొండ, దేవకట్ట ఇలా దాదాపు 10 సినిమాలకు పైగా లైన్‌లో పెట్టారు సీవీఎల్ నరసింహారావు.

from Telugu Movie News | Movie News in Telugu | Movie Gossips in Telugu https://ift.tt/3wngzZS
v