ఆంధ్రప్రదేశ్ సీఐడీ అడిషనల్ డీజీపీ, ఐపీఎస్ పీవీ సునీల్ సునీల్ కుమార్ మరోసారి వార్తల్లో నిలిచారు. నరసాపురం వైసీపీ ఎంపీ రఘురామక్రిష్ణం రాజు అరెస్ట్.. రామతీర్థం విగ్రహాల ధ్వంసం.. రాజధాని భూముల అక్రమాలు.. తదితర సంచలన కేసుల్ని డీల్ చేసిన ఏపీ సీఐడీ చీఫ్ సునీల్కుమార్ మంచి రచయిత, వక్త, విశ్లేషకులు కూడా. తాజాగా ఆయన నటించిన ది ఫ్యామిలీ మెన్ 2 చిత్రంపై తన అభిప్రాయాన్ని తెలియజేస్తూ ఫేస్ బుక్లో పోస్ట్ పెట్టారు. ఈ సందర్భంగా సమంత నటనపై ప్రశంసలు కురిపిస్తూనే.. అర్థవంతమైన విశ్లేషణ ద్వారా తెలుగు సినిమాకి చురకలు వేశారు. భిన్న జాతుల మధ్య ఘర్షణ. భిన్న సంస్కృతుల మధ్య ఘర్షణ, ఉనికి కోసం, ఊపిరి కోసం పోరాటం.. భూమి కోసం, భుక్తి కోసం పోరాటం. వీటిని అర్ధం చేసుకోవడం మామూలు విషయం కాదు. అందుకే అది అందరికి సాధ్యం కాదు. సహ బాధితుడైనా అయ్యుండాలి.. మానవతా వాది అయినా కావాలి.. We are loaded with manufactured opinions. అది కూడా మీడియా మనని ఎటు మళ్లిస్తే అటు వెన్నుపోటును తిరుగుబాటుగా, తిరుగుబాటును వెన్నుపోటుగా మీడియా చూపగలదు. కిలో మూడు వందలు పెడితే కాని గానుగలో రాని వేరుశనగ నూనె.. వంద రూపాయలకే రిఫైన్ అయ్యి దొరుకుతుందని, అది ఆరోగ్యానికి మంచిది అని మనలను నమ్మించలేదూ? వీళ్ళకి ఉనికి కోసం చేసే పోరాటాన్ని ఉగ్రవాదం గానూ, ఉగ్రవాదాన్ని ఉనికి కోసం చేసే పోరాటంగానూ చూపడం ఎంతసేపు? వార్త అంటే జరిగింది చెప్పడం ... వార్తా కథనం అంటే వాస్తవాలను తాలింపు వేసి తాము అనుకున్న మార్గంలో మనకు బ్రెయిన్ వాష్ చేయడం.. ఇప్పుడన్నీ కథనాలే అలాంటపుడు ఒక మామూలు ఫిల్మ్ మేకర్ నుండి ఏమి ఆశించగలం? మనిషి అనేవాడు ఈ భూమి మీద మిగతా జంతువులు, పక్షులు, నదీనదాలు, అడవులు తనకోసమే ఉన్నట్టుగా, తానే సృష్టించినట్టుగా ఏ హక్కుతో వాటిని హరించి మళ్ళా తానే పర్యావరణ పరిరక్షణ అని నటిస్తాడొ అక్కడ నుండి ఆలోచించుకుంటూ వస్తేనే మనకు చాలా విషయాలు అర్థం అవుతాయి ( నేను 2008 లో రాసిన భయానందం కథ -స్వాతి వీక్లీ నుండి). సమంత నట విరాట్ స్వరూపం కనిపిస్తుంది.. క్రోధం, రౌద్రం ఒక పక్కా , మెలాంకలీ మరో పక్కా ఏక కాలంలో పలికించింది.. మహానటి సావిత్రిని కూడా దాటింది. ఇంత గొప్ప నటిని మీడియోకర్ పాత్రలకే పరిమితం చేసిన తెలుగు సినిమా మీద జాలి పడాలి’ అంటూ తన అభిప్రాయాన్ని తెలియజేశారు ఏపీ సీఐడీ చీఫ్ పీవీ సునీల్కుమార్.
from Telugu Movie News | Movie News in Telugu | Movie Gossips in Telugu https://ift.tt/3vrKG22
v
No comments:
Post a Comment