ప్రస్తుతం కరోనా పరిస్థితులు కాస్త సద్దుమణిగినట్టు కనిపిస్తున్నాయి. రోజురోజుకూ కరోనా కేసులు తగ్గుముఖం పడుతున్నాయి. కొన్ని రాష్ట్రాల్లో కర్ఫ్యూలు విధించినా సడలింపులు ఇచ్చారు. ఇంకొన్ని రాష్ట్రాలు లాక్డౌన్ను ఎత్తేశాయి. అలా తెలంగాణలో ఇప్పుడు ఎటువంటి నిబంధనలు లేవు. ఈ సందర్భంగా టాలీవుడ్లో షూటింగ్ల జాతర మొదలైంది. మూలన పడ్డ అన్ని సినిమాలు ఒక్కొక్కటిగా వరుసకట్టి సెట్స్ మీదకు వస్తున్నాయి. అయితే తాజాగా సినిమా అప్డేట్ వచ్చింది. ఈ మూవీ షూటింగ్ ప్రారంభమైనట్టు తెలుస్తోంది. అసలే ఈ మూవీ ఎప్పటికప్పుడు వాయిదా పడుతూనే వస్తోంది. కరోనా కారణంగా పలు మార్లు వాయిదా పడింది. ఇక కరోనా ఉధృతి ఉన్నా కూడా గత ఏడాది ఇటలీలో కొంత పార్ట్ షూటింగ్ను చేసుకుంది. ఇక అన్నపూర్ణ స్టూడియోలోనే ఇటలీ రైల్వే స్టేషన్ను నిర్మించేశారు. ఆ సెట్ సోషల్ మీడియాలో ఎంతగా వైరల్ అయిందో అందరికీ తెలిసిందే. తాజాగా చేసిన పోస్ట్తో రాధేశ్యామ్ అప్డేట్ వచ్చేసింది. కరోనా సెకండ్ వేవ్ వల్ల గ్యాప్ రాగా.. ఇప్పుడు యూనిట్ మొత్తం సెట్స్ మీదకు వచ్చేసింది. ఈ క్రమంలో నేటి ఉదయమే పూజా హెగ్డే రాధేశ్యామ్ కోసం రెడీ అయ్యారు. ఈక్రమంలో చేసిన పోస్ట్ వైరల్ అవుతోంది. పని చేసేందుకు సమయం ఆసన్నమైంది అంటూ రాధేశ్యామ్ సెట్లోకి అడుగుపెడుతున్నట్టు పూజా హెగ్డే తెలిపారు. ఈ సందర్భంగా తన పాత్రకు తగ్గట్టుగా మేకప్ వేస్తున్న అసిస్టెంట్ల గురించి కూడా చెప్పుకొచ్చారు. మొత్తానికి ఈ మూవీ షూటింగ్ను త్వరగా పూర్తి చేయాలని మేకర్స్ భావిస్తున్నారు. యూవీ క్రియేషన్స్ నిర్మిస్తోన్న ఈ మూవీని రాధాకృష్ణ కుమార్ తెరకెక్కిస్తున్నారు.
from Telugu Movie News | Movie News in Telugu | Movie Gossips in Telugu https://ift.tt/3jkBauS
v
No comments:
Post a Comment