దేశంలో కరోనా విపత్కర పరిస్థితుల నడుమ అందరి చేత రియల్ హీరో అనిపించుకుంటున్నారు సోనూ సూద్. కోవిడ్ విలయతాండవంలో ఆయన చేస్తున్న సేవా కార్యక్రమాలకు ప్రశంసలు దక్కుతున్నాయి. ఈ నేపథ్యంలో తాజాగా సోనూ సేవలపై మంత్రి రియాక్ట్ అయ్యారు. రియల్ హీరో సోనూ సూద్ అంటూ ఆయనపై ఆసక్తికర కామెంట్స్ చేశారు. కరోనా రోగులకు సోషల్ మీడియా ఓ వారధిగా మారింది. ఎవ్వరికి ఎలాంటి సాయం కావాలన్నా సోషల్ మీడియాలో పోస్ట్ చేస్తూ తమ అభ్యర్థనను ప్రపంచం ముందుంచుతున్నారు. ఈ నేపథ్యంలోనే తెలంగాణకు చెందిన ఓ కరోనా పేషేంట్ ట్విట్టర్ వేదికగా కేటీఆర్కు ధన్యవాదాలు చెప్పారు. కేవలం 10 గంటల్లోనే తాము కోరిన ఆక్సిజన్ కాన్సెంట్రేటర్ను అందించినందుకు ప్రత్యేకంగా కృతజ్ఞతలు, మీరందించిన సహాయాన్ని మేము ఎప్పటికీ మరచిపోలేము.. మీరు రియల్ హీరో అంటూ తన సందేశాన్ని కేటీఆర్కు ట్యాగ్ చేశాడు. దీంతో ఇది కేటీఆర్ చూసిన దీనిపై వెంటనే స్పందిస్తూ.. ''ప్రజలు ఎన్నుకున్న ప్రతినిధిగా నేను సాయం చేస్తున్నా బ్రదర్.. మీరు అంటున్న రియల్ హీరో సోనూసూద్. ఆయనను సూపర్ హీరో అనడం కరెక్ట్. అతనికి కృతజ్ఞతలు చెప్పండి'' అంటూ సోనూ సూద్కి ట్యాగ్ చేశారు. కేటీఆర్ చేసిన ఈ ట్వీట్పై అటు సోనూ కూడా స్పందించారు. ''నాపై మీరు చూపిస్తున్న ప్రేమకు ధన్యవాదాలు సార్! కానీ మీరు నిజంగా తెలంగాణ కోసం ఎంతో చేసిన హీరో. మీ నాయకత్వంలో రాష్ట్రం చాలా అభివృద్ధి చెందింది. నేను తెలంగాణను నా రెండో ఇంటిగా.. నా వర్క్ స్టేషన్ గా భావిస్తున్నాను. ఎన్నో ఏళ్లుగా తెలంగాణ ప్రజలు నాపై చాలా ప్రేమను చూపించారు'' అని సోనూ సూద్ పేర్కొన్నారు.
from Telugu Movie News | Movie News in Telugu | Movie Gossips in Telugu https://ift.tt/3fDejsz
v
No comments:
Post a Comment