మహానటి నటన గురించి అందరికీ తెలిసిందే. ప్రస్తుతం లేడీ ఓరియెంటెడ్ చిత్రాలకు కీర్తి సురేష్ కేరాఫ్ అడ్రస్గా నిలుస్తున్నారు. అయితే మహానటి లాంటి బ్లాక్ బస్టర్ తరువాత మళ్లీ ఆ రేంజ్ సక్సెస్ మాత్రం సాధించలేకపోయారు. అలా కీర్తి సురేష్ చేసిన చిత్రాలన్నీ కూడా వరుసగా బోల్తా కొడుతున్నాయి. ఎన్నో అంచనాల నడుమ వచ్చిన పెంగ్విన్, మిస్ ఇండియా ఫ్లాప్ అయ్యాయి. రంగ్ దే సినిమా ఓ మోస్తరుగా ఆడినా చివరకు కలెక్షన్ల పరంగా ఫ్లాపుగానే ముద్ర వేసుకుంది. అయితే కీర్తి సురేష్కు ఇంత వరకు తెరపై డ్యాన్సులు వేసి తన విశ్వరూపాన్ని చూపించే అవకాశం రాలేదు. కీర్తి సురేష్ మాస్ స్టెప్పులు వేస్తే ఎలా ఉంటుందో తాజాగా చూపించారు. దళపతి బర్త్ డే సందర్బంగా హీరో మీదున్న ప్రేమను తన స్టైల్లో చాటుకున్నారు. గత ఏడాది విజయ్ బర్త్ డే సందర్భంగా కీర్తి సురేష్ వీణ వాయించి షాకిచ్చారు. ఈ సారి విజయ్ బర్త్ డే సందర్భంగా మాస్ డ్యాన్స్ వేశారు. తన తమ్ముడితో కలిసి ఏదో అలా డ్యాన్స్ వేసేశానని అన్నారు. ఇక దళపతి విజయ్ అంటే తనకు ఏ రేంజ్లో ఇష్టముందో ఇలా చెప్పకనే చెప్పేశారు. ఇక కీర్తి వేసిన మాస్ స్టెప్పులు అందరినీ ఆశ్చర్యపరుస్తున్నాయి. కీర్తి సురేష్ విజయ్ కలిసి సర్కార్ సినిమాలో నటించిన సంగతి తెలిసిందే. ఇక కీర్తి సురేష్ ప్రస్తుతం తెలుగులో సర్కారు వారి పాట చిత్రంలో మహేష్ బాబు పక్కన హీరోయిన్గా చాన్స్ కొట్టేశారు. ఆమె నటించిన గుడ్ లక్ సఖి విడుదలకు సిద్దంగా ఉన్న సంగతి తెలిసిందే.
from Telugu Movie News | Movie News in Telugu | Movie Gossips in Telugu https://ift.tt/3xEk5jC
v
No comments:
Post a Comment