మరో బాధ్యత భుజానికెత్తుకున్న సోనూ సూద్.. ఐఏఎస్‌ కావాలనుకునే వారికి అండగా రియల్ హీరో

కరోనా విపత్కర పరిస్థితుల్లో మీ అందరికీ అండగా నేనున్నా అంటూ ముందుకొచ్చారు సినీ నటుడు . గతేడాది లాక్ డౌన్ వేళ మొదలైన ఆయన సేవలు నేటికీ కొనసాగిస్తూ పలువురి మన్ననలు పొందుతున్నారు సోనూ. ఆక్సిజన్ సిలండర్స్ సప్లై మొదలుకొని కరోనా రోగుల సహాయార్థం పలు సేవల్లో భాగంపై ప్రజల మనసు చూరగొన్న ఈ రియల్ హీరో.. తాజాగా మరో బాధ్యత భుజానికెత్తుకున్నారు. సివిల్ సర్వీసెస్‌లో చేరాలనుకునే పేద విద్యార్థులకు అండగా ఉంటానని ఆయన ప్రకటించారు. ఐఏఎస్ కోసం సిద్ధం కావాలనుకుంటున్నారా.. మీ బాధ్యత మేం తీసుకుంటాం. 'సంభవం' ప్రారంభం గురించి ప్రకటిస్తున్నందుకు థ్రిల్లింగ్‌గా ఉంది అంటూ సోనూ సూద్ ట్విట్టర్ ద్వారా వెల్లడించారు. ఈ సేవలో భాగంగా సివిల్ సర్వీసెస్‌కు ప్రిపేర్ అవుతున్న పేద విద్యార్థులకు ఉపకార వేతనాలు అందించబోతున్నట్లు ఆయన తెలిపారు. ఈ స్కాలర్‌షిప్స్ కోసం https://ift.tt/3vgOAdV వెబ్‌సైట్‌లో రిజిస్టర్ చేసుకోవాలని అన్నారు. జూన్ 30లోగా ఈ ద‌ర‌ఖాస్తులు అందించాలట. తన సేవలతో దేశంలో అసాధారణమైన శక్తిగా ఎదిగారు సోనూ. దేశంలో పలు చోట్ల ఈ నటుడు ఫొటో పెట్టుకొని ఆపద్బాంధవుడిగా కీర్తిస్తూ కొనియాడుతున్నారు జనం. ఆయన చేస్తున్న ఈ సేవా కార్యక్రమాలపై పలువురు సినీ, రాజకీయ ప్రముఖులు సైతం ప్రశంసల వర్షం కురిపిస్తున్నారు. పేద, సాధారణ జనం అయితే ఆయన్ను దేవుడిగా అభివర్ణిస్తున్నారు. గతేడాది లాక్‌డౌన్ వేళ సొంతంగా రవాణా సదుపాయాలు కల్పించి పేద కార్మికులను వారి స్వస్థలాలకు చేర్చి నేటికీ అదే బాటలో వెళ్తున్న సోనూ విశాల హృదయాన్ని కొనియాడని వ్యక్తి లేడని చెప్పడంలో అతిశయోక్తి లేదు.

from Telugu Movie News | Movie News in Telugu | Movie Gossips in Telugu https://ift.tt/35gREvU
v