ఇటీవలే 'అల.. వైకుంఠపురములో' సినిమాతో బిగ్గెస్ట్ సక్సెస్ అందుకున్న స్టైలిష్ స్టార్ వరుస సినిమాలను లైన్లో పెట్టారు. ప్రస్తుతం సుకుమార్ దర్శకత్వంలో 'పుష్ప' మూవీ చేస్తున్న ఆయన.. తదుపరి సినిమాల కోసం సన్నద్ధమవుతున్నారు. 'పుష్ప' షూటింగ్ ఫైనల్ స్టేజ్లో ఉండటంతో '' చిత్రాన్ని పట్టాలెక్కించడానికి ప్లాన్ చేస్తున్నారట మేకర్స్. ఈ నేపథ్యంలో తాజాగా చిత్రానికి సంబంధించిన ఓ క్రేజీ అప్డేట్ తెగ చక్కర్లు కొడుతోంది. నిజానికి ఈ సినిమాను ఎప్పుడో ప్రకటించారు కానీ ఇప్పటిదాకా సెట్స్ మీదకు వెళ్ళలేదు. డైరెక్టర్ వేణు శ్రీరామ్ ఈ మూవీ స్క్రిప్ట్ని మెరుగులు దిద్దుతూనే ఉన్నారు. ప్రస్తుతం ఆయన చిత్ర కథలో కీలక మార్పులు చేర్పులు చేస్తున్నారని తెలుస్తోంది. అయితే చిత్ర టైటిల్ 'ఐకాన్' అని, దానికి 'కనబడటలేదు' అనే ట్యాగ్ లైన్ ఎందుకు పెట్టారనే దానిపై వార్తలు షురూ అయ్యాయి. ఈ మూవీలో అల్లు అర్జున్ అంధుడిగా ప్రయోగాత్మక పాత్రలో నటించబోతున్నారని.. అందుకే ఆ ట్యాగ్ లైన్ పెట్టారని అంటున్నారు. ఇప్పటికే సుకుమార్ దర్శకత్వంలో వచ్చిన 'రంగస్థలం' సినిమాలో చెవిటివాడిగా నటించి తన టాలెంట్ ప్రూవ్ చేసుకున్నాడు రామ్ చరణ్. ఆయన కెరీర్ లోనే ఆ క్యారెక్టర్ చెప్పుకోదగినదిగా నిలిచింది. దీంతో ఇప్పుడు అల్లు అర్జున్ కూడా అలాంటి ప్రయోగానికే రెడీ అవుతున్నారని తెలుస్తుండటం ఆసక్తికరంగా మారింది. చిత్రంలో నటించే నటీనటుల వివరాలు, హీరోయిన్ ఎవరనేది అతిత్వరలో ప్రకటించనున్నారు. అయితే ఇందులో అల్లు అర్జున్ రోల్ గురించి వస్తున్న వార్తల్లో ఎంతవరకు నిజముందనేది తెలియాల్సి ఉంది.
from Telugu Movie News | Movie News in Telugu | Movie Gossips in Telugu https://ift.tt/3iZLOY5
v
No comments:
Post a Comment