‘హేయ్ TNR వాట్ ఈజ్ దిస్ యార్’.. మాటలు రావడం లేదంటూ సురేఖా వాణి ఎమోషనల్

ప్రముఖ జర్నలిస్ట్, నటుడు తుమ్మల నరసింహారెడ్డి () మరణ వార్త తెలియడంతో సినీ ప్రముఖులందరూ దిగ్భ్రాంతికి లోనవుతున్నారు. చిన్నా, పెద్దా అనే తేడా లేకుండా అందరూ TNRను తలుచుకుంటూ ఎమోషనల్ అవుతున్నారు. TNRకు ఇంతటి ఆదరణ దక్కడానికి కారణం ఆయన చేసిన ఇంటర్వ్యూలు, అందులోని ఆయన మాటతీరు, ప్రవర్తన, సెలెబ్రిటీల నుంచి ఆయన విషయాలను రాబట్టే తీరు అందరినీ ఆకట్టుకుంటుంది. TNR మరణ వార్తతో సోషల్ మీడియాలో మొత్తం కదలింది. ఓ జర్నలిస్ట్‌, ఇంటర్వ్యూలు చేసే వ్యక్తికి ఈ స్థాయి ఫాలోయింగ్ ఉండటం మామూలు విషయం కాదు. TNR మ‌ృతితో టాలీవుడ్ శోక సంద్రంలో మునిగింది. ఇప్పటికే నటుడిగా ఎంతో బిజీగా మారారు. ఇక దర్శకత్వంలో చేయాలనే తన కోరికను కూడా నెరవేర్చుకునేందుకు ప్రయత్నాలు మొదలుపెట్టేశారు. కానీ ఇంత లోపే ఇలాంచి చేదు వార్త వినాల్సి వచ్చింది. TNR మృతిపై నాని, గోపీమోహన్, మారుతి, మోహన్ బాబు, మంచు లక్ష్మీ, ప్రియదర్శి, కత్తి మహేష్ ఇలా ఎంతో మంది ప్రముఖుల స్పందించారు. ఇంకా స్పందిస్తూనే ఉన్నారు. ఆయన ఆత్మకు శాంతి చేకూరానలి ప్రార్థిస్తున్నారు. ఈ క్రమంలో , ఝాన్సీ చేసిన కామెంట్లు వైరల్ అవుతున్నాయి. ‘హేయ్ TNR వాట్ ఈజ్ దిస్ యార్.. ఇది అసలు కరెక్ట్ కాదు.. ఇది నమ్మలేకపోతోన్నాను..నువ్ చేయాల్సింది ఇంకా ఎంతో ఉంది.. నా హృదయం బరువెక్కిపోతోంది.. మాటలు రావడం లేదు.. ఓం శాంతి’ అంటూ సురేఖా వాణి ఎమోషనల్ అయ్యారు. వారం క్రితమే మనం మాట్లాడుకున్నాం.. ఈ చిరునవ్వులు మళ్లి కనిపించవు.. అని చెప్పుకొచ్చారు. ఇక ఝాన్సీ స్పందిస్తూ.. ‘ఏంటి?.. మీరు ఇంకా చేయాల్సింది ఎంతో ఉంది.. మీ మాటలు తూటాలు.. మీ ప్రశ్నలు నిలువుటద్దాలు. నా పురుష సూక్తం నాటకాన్ని మీరు విమర్శించారని ఎంతో గర్వంగా చెప్పుకుంటాను’ అని ఎమోషనల్ అయ్యారు. ఎల్బీ శ్రీరాం, తనికెళ్ల భరణి, తేజ, ఆర్జీవీ లాంటి మహామహులను ఇంటర్వ్యూలు చేయడంతో ఫేమస్ అయ్యారు. ఆయన ఇంటర్వ్యూలు మూడు నాలుగు గంటల వ్యవధితో ఉండటం విశేషం.

from Telugu Movie News | Movie News in Telugu | Movie Gossips in Telugu https://ift.tt/3heuQ7j
v