రోజు రోజుకూ కొత్త పుంతలు తొక్కుతున్న టెక్నాలజీ ఓటీటీ వేదికలకు మంచి డిమాండ్ తెచ్చిపెడుతోంది. డిఫరెంట్ కాన్సెప్ట్ మూవీస్ రిలీజ్ చేస్తూ ఇంట్లోనే కూర్చోబెట్టి వినోదం పంచుతున్నాయి ఓటీటీ ప్లాట్ఫామ్స్. ఈ నేపథ్యంలోనే ఫహద్ ఫాజిల్, సాయి పల్లవి జంటగా నటించిన మలయాళ సైకలాజికల్ థ్రిల్లర్ ‘అతిరన్’ను తెలుగులో 'అనుకోని అతిథి'గా ప్రేక్షకుల ముందుకు తెస్తున్నారు. మే 28 నుంచి ఆహా ఓటీటీ వేదికపై ఈ సినిమా స్ట్రీమింగ్ కానుంది. అయితే చిత్ర ప్రమోషన్స్లో భాగంగా ఇప్పటికే రిలీజ్ చేసిన 'అనుకోని అతిథి' టీజర్ సినిమాపై ఆసక్తి పెంచగా.. తాజాగా చిత్ర ట్రైలర్ విడుదల చేసి మరోసారి ఆకట్టుకున్నారు. ఈ వీడియోలోని ప్రతి సన్నివేశం ఉత్కంఠభరితంగా ఉంది. మానసిక సమస్యతో బాధపడే పాత్రలో సాయిపల్లవి నటన అట్రాక్ట్ చేస్తోంది. ఓ బంగ్లా నేపథ్యంలో వచ్చే సన్నివేశాలు, బ్యాక్ గ్రౌండ్ మ్యూజిక్ సినిమాపై హైప్ పెంచేశాయి. సైకలాజికల్ థ్రిల్లర్గా వివేక్ తెరకెక్కించిన ఈ సినిమాలో ప్రకాశ్ రాజ్, అతుల్ కులకర్ణి, రెంజి పానికర్, లియోనా లిషోయ్, శాంతికృష్ణ తదితరులు కీలక పాత్రల్లో నటించారు. జిబ్రాన్ సంగీతం అందించారు. ఈ చిత్రం మలయాళీ వర్షన్ ‘అతిరన్’పై విమర్శకులు సైతం ప్రశంసలు కురిపించడంతో తెలుగు ప్రేక్షకుల్లో ఓ రకమైన ఆసక్తి నెలకొంది. డిఫరెంట్ రోల్లో కనిపించనుండటం అందరిలో సినిమా చూడాలనే ఆతృత పెంచేసింది.
from Telugu Movie News | Movie News in Telugu | Movie Gossips in Telugu https://ift.tt/34ho0GC
v
No comments:
Post a Comment