స్టైలిష్ స్టార్ అల్లు అర్జున్ లేటెస్ట్ మూవీ ''పై ఏ రేంజ్ అంచనాలున్నాయనేది ప్రత్యేకంగా చెప్పాల్సిన పనిలేదు. క్రియేటివ్ డైరెక్టర్ సుకుమార్ తన టాలెంట్ని సానబట్టి బన్నీ ఫ్యాన్స్ థ్రిల్ అయ్యేలా ఈ సినిమా రూపొందిస్తున్నారు. ఈ మేరకు నటీనటుల ఎంపిక విషయంలోనూ స్పెషల్ కేర్ తీసుకున్న ఆయన.. చిత్రంలోని ముఖ్యమైన పాత్ర కోసం యాంకర్ అనసూయను తీసుకున్నారు. దీంతో అందరి దృష్టి ఆమె క్యారెక్టర్ ఎలా ఉంటుందనే దానిపైనే పడింది. ఎక్కడ చూసినా అదే చర్చ నడుస్తోంది. ఈ నేపథ్యంలో తాజాగా ఈ విషయమై రియాక్ట్ అయింది అనసూయ. 'పుష్ప' మూవీ తన క్యారెక్టర్ ఎలా ఉండబోతోంది అనే దానిపై ఓ హింట్ ఇచ్చేసింది. ఈ సినిమాలో తన రోల్ చాలా అద్భుతంగా ఉంటుందంటూ చెబుతూనే.. పూర్తి వివరాలు మాత్రం సస్పెన్సులో పెట్టింది. ఈ చిత్రంలో పవర్ ప్యాక్ట్ రోల్లో కనిపించబోతున్నా అంతకుమించి అడగొద్దు అంటూ తన పాత్రపై మరింత హైప్ క్రియేట్ చేసుకుంది ఈ జబర్దస్త్ బ్యూటీ. రంగస్థలం సినిమాలో ఎలాగైతే కథలో కీలకమైన పాత్రలో కనిపించానో ఇందులో కూడా అదే రేంజ్ క్యారెక్టర్ చేస్తున్నట్లుగా హింట్ ఇచ్చి బన్నీ అభిమానులను థ్రిల్ చేసింది అనసూయ. ఈ మేరకు మరోసారి డైరెక్టర్ సుకుమార్కి థ్యాంక్స్ చెప్పింది. గతంలో ఇదే సుక్కు అనసూయను రంగమ్మత్తగా ఫేమ్ చేశాడు. మరి ఇప్పుడు 'పుష్ప'లో ఏ పేరుతో రంగంలోకి దించుతున్నారనేది మాత్రం ఇప్పటికి సస్పెన్స్. భారీ రేంజ్లో పాన్ ఇండియా మూవీగా రూపొందుతున్న పుష్ప మూవీలో అల్లు అర్జున్ సరసన క్రేజీ బ్యూటీ రష్మిక మందన హీరోయిన్గా నటిస్తోంది. గిరిజన యువతిగా ఆమె అప్పీయరెన్స్ సినిమాలో మేజర్ అట్రాక్షన్ కానుందట. లారీ డ్రైవర్ పుష్పరాజ్ రోల్లో అల్లు అర్జున్ నటిస్తున్నారు. మలయాళ నటుడు ఫహద్ ఫాజిల్ మరో ముఖ్యపాత్ర పోషిస్తున్నారు. ఈ సినిమాపై తెలుగు ప్రేక్షకులు భారీ అంచనాలు పెట్టుకున్నారు.
from Telugu Movie News | Movie News in Telugu | Movie Gossips in Telugu https://ift.tt/33kzNDy
v
No comments:
Post a Comment