ఎన్టీఆర్ జయంతి రోజు (మే 28) సర్ప్రైజ్ ఇవ్వబోతున్నట్లు ముందే ప్రకటించిన నందమూరి వారసుడు కళ్యాణ్ రామ్.. కొద్దిసేపటి క్రితం సరికొత్త లుక్లో కనిపించి అభిమానులకు భలే కిక్కిచ్చారు. హీరోగా, నిర్మాతగా తనదైన దారిలో వెళుతున్న కళ్యాణ్ రామ్ 18వ సినిమాను అధికారికంగా ప్రకటిస్తూ ఫస్ట్ లుక్, మోషన్ పోస్టర్ రిలీజ్ చేశారు. ఈ సినిమాకు '' అనే పవర్ఫుల్ టైటిల్ కన్ఫర్మ్ చేశారు. స్వయంగా ఈ సినిమా నిర్మాణ బాధ్యతలు భుజాన వేసుకొని ఇందులో హీరోగా నటిస్తున్నారు కళ్యాణ్ రామ్. మగధ సామ్రాజ్యంలోని హర్యంక రాజవంశ రాజైన బింబిసారుడు జీవిత చరిత్ర ఆధారంగా ఈ మూవీ రూపొందుతోంది. తన కెరీర్లో తొలిసారి ఇలా ఓ సోషియో ఫాంటసీ మూవీతో ప్రేక్షకుల ముందుకు రాబోతోన్నారు కళ్యాణ్ రామ్. ఇక తాజాగా విడుదల చేసిన ఫస్ట్ లుక్ పోస్టర్ చూస్తుంటే ఇది కళ్యాణ్ రామ్ కెరీర్కు గేమ్ చేంజర్ మూవీ కావడం పక్కా అని తెలుస్తోంది. 'బాహుబలి' రేంజ్లో ఈ పోస్టర్ కనిపిస్తుండటం విశేషం. తనపై దండెత్తడానికి వచ్చిన శత్రుమూకలపై అలుపెరగని పోరాటం చేసిన యోధుడిగా కళ్యాణ్ రామ్ కనిపించబోతున్నారు. ఎన్టీఆర్ ఆర్ట్స్ సమర్పణలో తెరకెక్కుతున్న ఈ చిత్రానికి కె.హరికృష్ణ నిర్మాతగా వ్యవహరిస్తుండగా.. వశిష్ట్ దర్శకత్వం వహిస్తున్నారు. ఇక ఈ సినిమాలో కళ్యాణ్ రామ్ జోడీగా ఇద్దరు హీరోయిన్స్ కేథరిన్, సమ్యుక్తా మేనన్ నటిస్తున్నారు. చిరంతన్ భట్ సంగీతం అందిస్తున్నారు.
from Telugu Movie News | Movie News in Telugu | Movie Gossips in Telugu https://ift.tt/3uqO2BH
v
No comments:
Post a Comment