కష్టకాలంలో అవసరమున్న వారికి ఆపద్బాంధవుడవుతున్నారు . తన సేవలను మరింత విస్తృతం చేసిన ఆయన ఆపదలో ఉన్న ప్రతి ఒక్కరినీ ఆదుకుంటూ రియల్ హీరో అనిపించుకుంటున్నారు. ప్రస్తుతం దేశంలో కరోనా పేషెంట్స్ చాలామంది సమయానికి అందక కన్నుమూస్తుండటం చూస్తున్నాం. ఇలాంటి సమయంలో కేవలం ఒకే ఒక్క మిస్డ్ కాల్ ఇస్తే.. మీకు ఆక్సిజన్ ఇస్తానంటూ ముందుకొచ్చారు సోనూ సూద్. దేశ రాజధాని ఢిల్లీలో కేసులు విపరీతంగా పెరగడం, అక్కడ ఆక్సిజన్ కొరత ఎక్కువగా ఉన్న నేపథ్యంలో ముందడుగేశారు సోనూ. ఫ్రాన్స్తో పాటు పలుదేశాల నుంచి ఆక్సిజన్ ప్లాంట్లకు ఆర్డర్లు ఇచ్చిన ఆయన.. దీనికి సంబంధించి ఓ కాల్ సెంటర్ నెంబర్ ఇచ్చారు. 02261403615 ఈ నెంబర్కు మిస్ కాల్ ఇస్తే ఆక్సిజన్ కాన్సెంట్రేటర్ మీ ఇంటి ముందు ఉంటుందని సోనూ సూద్ ట్విట్టర్ ద్వారా తెలిపారు. పైగా ఇది పూర్తిగా ఉచితం అని ఆయన పేర్కొనడంతో ప్రశంసలు వెల్లువెత్తుతున్నాయి. ''ఢిల్లీలో కరోనా కేసులు విపరీతంగా పెరుగుతున్నాయి. పరిస్థితి చాలా దారుణంగా ఉంది. చాలా మంది సాయం కోసం ఎదురు చూస్తున్నారు. అందుకే మీ ఇంటికే ఆక్సిజన్ కాన్సెంట్రేటర్ వచ్చేలా ఏర్పాట్లు చేస్తున్నాం. మేమిచ్చిన నంబర్కి ఫోన్ చేసి వివరాలు తెలియజేస్తే మా సిబ్బంది ఆక్సిజన్ కాన్సెంట్రేటర్ మీ ఇంటికి తెస్తారు. ఈ సర్వీస్ పూర్తిగా ఉచితం. కానీ ఖాళీ కాన్సెంట్రేటర్ను తిరిగి పంపండి. అది మరొకరికి ఉపయోగపడుతుంది. రెండు ఫౌండేషన్లతో కలిసి మీ నగరం కోసం చేస్తున్న చిన్న సాయమిది'' అని సోనూ సూద్ పేర్కొన్నారు.
from Telugu Movie News | Movie News in Telugu | Movie Gossips in Telugu https://ift.tt/3fAg2xB
v
No comments:
Post a Comment