మెగా ఫ్యామిలీకి ఎంతో ఆప్తుడు, ప్రాణ స్నేహితుడు డాక్టర్ సత్య ప్రసాద్ అప్పట్లో జరిగిన సంగతులన్నీ మీడియాతో పంచుకున్నారు. పవన్ కళ్యాణ్, చిరంజీవి, నాగబాబు చైల్డ్ హుడ్ విషయాలపై ఓపెన్ అవుతూ అప్పటి సీక్రెట్స్ బయటపెట్టేశారు. టీనేజ్లో ఎలా ఉండేవారు అనే విషయమై ఓ సందర్భాన్ని ఆయన వివరించారు. పాఠశాల రోజుల నుంచి కాలేజీ వరకు కలిసి చిరంజీవితో కలిసి చదువుతున్న డాక్టర్ సత్య ప్రసాద్ మెగా కుటుంబంతో చాలా సన్నిహితంగా మెదులుతుంటారు. స్కూల్ డేస్లో మొదలైన వీరి స్నేహం ఇప్పటికీ కొనసాగుతోంది. వృత్తిపరంగా ఆయన యాక్టర్, ఈయన డాక్టర్ అయినా ఎప్పుడూ ఒకరి యోగక్షేమాలు మరొకరు తెలుసుకుంటూ ఉంటారు. ఈ నేపథ్యంలో చిరంజీవి గుణం ఎలాంటిదో తెలిసేలా ఆ రోజుల్లో జరిగిన ఓ సంఘటనను కళ్ళముందుంచారు సత్య ప్రసాద్. కళ్యాణ్ బాబు టీనేజ్ వయసులో తనను అన్నయ్య అన్నయ్య అంటూ వదిలేవాడు కాదని చెప్పిన సత్య ప్రసాద్.. కొన్నేళ్ళకు ఆయనలో బిడియం మొదలైందని, తెలిసి తెలియని వయసు నుంచి తెలిసే వయసుకు రావడంతో అప్పటంత చనువుగా ఉండకుండా కాస్త సిగ్గు పడుతూ మాట్లాడే వాడని చెప్పారు. అయితే ఓ సారి వరదలు వచ్చి మద్రాస్ అంతా మునిగిపోతే ఆ సమయంలో తనను, కళ్యాణ్ బాబును, సురేఖను వెంటబెట్టుకొని కారులో చుట్టాల ఇంటికి బయల్దేరిన చిరంజీవి.. మధ్యలో స్లమ్ ఏరియాలోకి తీసుకెళ్లి వాళ్లను చూడు తాగడానికి నీళ్లు కూడా లేవు, నువ్వేమో పొద్దున బిర్యానీ కావాలని పేచీ పెట్టావంట అని పవన్ కళ్యాణ్కి ప్రాక్టికల్గా పరిస్థితిని వివరించారని సత్య ప్రసాద్ చెప్పారు. ఇవాళ పవన్ కళ్యాణ్ ఇంత సర్వీస్ చేస్తూ డొనేషన్స్ ఇవ్వడం లాంటివి చేస్తున్నారంటే అది చిరంజీవి దగ్గర్నుంచి వచ్చిన ట్రేనింగ్ అని.. ఎవ్వరికైనా సరే సహాయం చేయాలి అనే గుణాన్ని వాళ్ళు చిన్నప్పటినుంచే అలవర్చుకున్నారని ఆయన తెలిపారు. ఇంకా ఈ ఇంటర్వ్యూలో ఎన్నో చిరంజీవి, ఆయన ఫ్యామిలీ గురించిన ఎన్నో విషయాలను ఆయన పంచుకున్నారు.
from Telugu Movie News | Movie News in Telugu | Movie Gossips in Telugu https://ift.tt/2SwdoRD
v
No comments:
Post a Comment