కొత్త కాన్సెప్ట్లతో సినిమాలు వస్తే జనాలు ఎప్పుడూ ఆదరిస్తూనే ఉంటారు. విభిన్న కథ, కథనాలకు కమర్షియల్ హంగులు కూడా యాడ్ చేస్తే ఇక మినిమమ్ గ్యారెంటీ అని అందరూ ఫిక్స్ అవుతారు. అలా ఇప్పుడు అనే సినిమాపై అందరి దృష్టి పడింది. ఇంత వరకు రాని కాన్సెప్ట్ను ఆద్యంతం వినోద భరితంగా తెరకెక్కించినట్టు టీజర్, ట్రైలర్ చూస్తేనే అర్థమవుతుంది. ఈ మూవీ నేడు(మే 27) అమెజాన్ ప్రైమ్లో విడుదలైంది. ఈ సినిమా ఏమేరకు ఆకట్టుకుందో ఓ సారి చూద్దాం. సంతోష్ () ‘చిన్న’ సమస్యతో బాధపడుతుంటారు. బాల్యం నుంచి తనలో అలా జననాంగం చిన్నగా ఉందే అనుమానం వెంటాడుతూనే ఉంటుంది. ఆ విషయాన్ని తండ్రి రాం మోహన్(బ్రహ్మాజీ)ని అడిగితే చితకబాదేస్తారు. అప్పటి నుంచి ఆ సమస్యను బయటకు సంతోష్ చెప్పుకోలేకపోతారు. దాని చికిత్స కోసం రకరకాల ప్రయత్నాలు చేస్తుంటారు. అలాంటి సంతోష్ జీవితంలోకి అమృత (కావ్య థాపర్) వస్తుంది. ఆమెకు అన్నీ కూడా పెద్ద పెద్ద కోరికలే ఉంటాయి. అలాంటి అమృతకు, చిన్నగా ఉందనే బాధపడే సంతోష్కు జోడి ఎలా కుదిరింది? అమృత కోసం సంతోష్ చేసిన ప్రయత్నాలేంటి? చివరకు ఆ చిన్న సమస్య తీరిందా? అనేదే కథ. ఏక్ మినీ కథలో సంతోష్ శోభన్ అద్భుతంగా నటించేశారు. చిన్నగా ఉందనే ఆత్మన్యూనత భావంతో బాధపడే సన్నివేశాలు, వాటిని ఎవ్వరితోనూ చెప్పుకోలేక సతమతపడే సీన్స్ బాగానే ఉన్నాయి. కామెడీ, ఎమోషన్స్ ఇలా అన్ని రకాలుగా మెప్పించారు. ఇక కావ్య థాపర్ అందంగా కనిపించడమే కాకుండా.. ఆకట్టుకునేలా నటించారు. సంతోష్ తండ్రి పాత్రలో బ్రహ్మాజీ, స్నేహితుడి పాత్రలో సుదర్శన్, సప్తగిరి ఇలా అందరూ వినోదాన్ని అందించడంతో తమ పరిధి మేరకు నటించారు. ఈ కథలో కావాల్సినంత హాస్యానికి చోటుంది. కుటుంబ కథా చిత్రంగా ఆద్యంతం వినోద భరితంగా ఉండటం కలిసొచ్చే అంశం. అయితే ఇలాంటి కథను పూర్తిగా అడల్డ్ చిత్రంగా కూడా తెరకెక్కించవచ్చు. కానీ దర్శకులు ఆ మార్గాన్ని ఎంచుకోలేదు. ఫుల్ లెంగ్త్ ఎంటర్టైన్మెంట్, ఫ్యామిలీ ఆడియెన్స్ కూడా చూడదగ్గ చిత్రంగా తెరకెక్కించడంతో సఫలమయ్యారు. మేర్లపాక గాంధీ టేకింగ్, కామెడీ టైమింగ్ మళ్లీ అందరికీ తెలిసి వచ్చింది. సినిమా ఎక్కడా కూడా బోర్ కొట్టించకుండా చక్కని కథనాన్ని, దానికి తగ్గట్టుగా పంచ్ డైలాగ్లను రాసుకున్నారు. బోల్డ్, బూతు వినడానికి కాస్త దగ్గరగానే ఉంటాయి. కానీ ఆ రెండూ వేర్వేరు. బోల్డ్గా సినిమాను తీయడం వేరు.. బూతు సినిమా తీయడం వేరు. ఏక్ మినీ కథ బోల్డ్ అయినా కూడా బూతు జోలికి వెళ్లలేదు. Does Size Matter అంటూ చాలా పెద్ద మ్యాటర్ తీసుకున్నాడు దర్శకుడు కార్తీక్ రాపోలు. 'చిన్న' సమస్య అంటూ పెద్ద వినోదం ఇవ్వాలని చూశారు దర్శకుడు. ఈ కేటగిరీలో ఆయన సక్సెస్ అయినట్టు కనిపిస్తోంది. ప్రవీణ్ లక్కరాజు సంగీతం, గోకుల్ భారతి సినిమాటోగ్రఫీ, సత్య ఎడిటింగ్ అన్నీ కూడా సినిమాకు కలిసి వచ్చాయి. నిర్మాణ విలువలు సినిమా స్థాయికి తగ్గట్టుగా ఉన్నాయి. ఇలాంటి కథలు అందరికీ నచ్చేలా, అందరూ మెచ్చేలా హద్దుల్లో తీయడం మామూలు విషయం కాదు. ఫస్టాఫ్ వరకు కామెడీ బాగానే ఉంది.. సెకండాఫ్ కాస్త నెమ్మదించినట్టు అనిపిస్తుంది. అయితే సినిమా చివర్లో కథకు మంచి ముగింపు ఇచ్చారు. ప్రేమ ఉంటే చాలు సైజ్తో పనితో లేదనే సందేశాన్ని ఇచ్చేశారు. పిల్లలకు వచ్చే అనుమానాలను తల్లిదండ్రులు ఓపిగ్గా నివృత్తి చేయాలి.. చిన్నతనంలో వారు వేసే ప్రశ్నలను విసుక్కోకుండా సమాధానాలు చెప్పాలనే మంచి విషయాలను చెప్పుకొచ్చారు. అందుకే సినిమా చివర్లో.. పిల్లలు ఎలా పుడతారు నాన్నా అని సంతోష్ని తన కొడుకు అడిగితే ఎంతో ఓపిగ్గా సమాధానం చెబుతారు. చివరగా.. అడల్డ్ కాన్సెప్ట్ అయినా కూడా క్లీన్ అండ్ నీట్గా తీశారు.. ఓసారి హాయిగా నవ్వుకునేందుకు చూసే సినిమా ఏక్ మినీ కథ.. చెప్పడానికి మినీ కథే అయినా మ్యాటర్ మాత్రం పెద్దదే.
from Telugu Movie News | Movie News in Telugu | Movie Gossips in Telugu https://ift.tt/3oSj6cz
v
No comments:
Post a Comment