మల్టీస్టారర్‌కి రెడీ అవుతున్న రవితేజా.. ఈసారి ఎనర్జిటిక్ హీరోతో.. దర్శకుడు ఎవరంటే

మిగితా సినిమాలతో పోలిస్తే.. మల్టీస్టారర్ సినిమాలకు ఉండే క్రేజ్ వేరు. ఇద్దరు స్టార్ హీరోలను ఒకే స్క్రీన్‌పై చేసేందుకు అభిమానులు ఆసక్తి చూపిస్తుండటంతో ఈ మధ్యకాలంలో వచ్చిన మల్టీస్టారర్ సినిమాలన్నీ హిట్ అవుతున్నాయి. దర్శక, నిర్మాతలు కూడా మల్టీస్టారర్‌లకే ఎక్కువశాతం మొగ్గుచూపుతున్నారు. త్వరలో మరో మల్టీస్టారర్ ప్రేక్షకుల ముందుకు రానుందట. అది ఎవరితోనే కాదు.. మాస్ మహరాజా రవితేజ, ఎనర్జిటిక్ స్టార్ రామ్ కాంబినేషన్‌లో ఓ సినిమా త్వరలో సెట్స్‌పైకి వెళ్లనుందనే టాక్ వినిపిస్తోంది. ఈ ఏడాది క్రాక్ సినిమాతో సూపర్‌ సక్సెస్‌ని అందుకున్నారు . ప్రస్తుతం రమేశ్ వర్మ డైరెక్షన్‌లో ‘ఖిలాడీ’ అనే సినిమాలో ఆయన నటిస్తున్నారు. ఈ సినిమా తర్వాత త్రినాధ్ రావు నక్కిన దర్శకత్వంలో మరో సినిమా చేయనున్నారు మాస్ మహరాజ. ఇక మరోవైపు రామ్ ఈ ఏడాది ‘రెడ్’ సినిమాతో ప్రేక్షకుల ముందకు వచ్చాడు. ఈ సినిమా కాస్త నిరాశపరిచిందనే చెప్పుకోవాలి ప్రస్తుతం అతను లింగుస్వామి దర్శకత్వంలో ఓ సినిమా చేస్తున్నాడు. ఈ సినిమా టైటిల్ ఇంకా ప్రకటించలేదు. అయితే ఈ సినిమాలు పూర్తైన తర్వాత వీరిద్దరి కాంబోలో సినిమా వచ్చే అవకాశం ఉందని ఫిలిమ్ నగర్‌లో గుసగుసలు వినిపిస్తున్నాయి. ఇక వరుస విజయాలతో మంచి ఫామ్‌లో ఉన్న ఈ సినిమాకు దర్శకత్వం వహిస్తున్నాడని టాక్. శ్రీ వెంకటేశ్వర క్రియేషన్స్‌పై దిల్ రాజు ఈ సినిమాను నిర్మిస్తారట. ఆల్రెడీ అనిల్.. రవితేజా కాంబినేషన్‌లో వచ్చిన ‘రాజా ది గ్రేట్’ సినిమా సూపర్ హిట్ అయింది. మరోవైపు రామ్‌తో కూడా అతనికి మంచి రిలేషన్‌షిప్ ఉంది. దీంతో మంచి కమర్షియల్ విలువలతో, బ్రహ్మాండమైన కామెడీతో వీరిద్దరికి స్క్రిప్ట్ రెడీ చేస్తున్నాడట అనిల్. ప్రస్తుతం అతను ‘ఎఫ్‌3’ సినిమా షూటింగ్‌తో బిజీగా ఉన్నాడు. ఆ సినిమా పూర్తైతే.. ఈ మల్టీస్టారర్‌పై స్పష్టత వచ్చే అవకాశం ఉంది.

from Telugu Movie News | Movie News in Telugu | Movie Gossips in Telugu https://ift.tt/3edYKqA
v