కోవిడ్‌పై పోరుకు ముందుకు వచ్చిన తలా.. భారీ విరాళం అందించిన అజిత్

గత ఏడాదిన్నర కాలంగా యావత్ ప్రపంచ దేశాలను భయపెడుతున్న ఏకైక పదం కరోనా. రెండో దశలో కరోనా మరింత భయంకంగా వ్యాపిస్తోంది. ప్రతీరోజు లక్షల సంఖ్యలో పాజిటివ్ కేసులు, వేల సంఖ్యలో మరణాలు సంభవిస్తున్నాయి. ఈ ఉపద్రవాన్ని అడ్డుకొనేందుకు ప్రభుత్వాలు కృషి చేస్తున్నాయి. పలు ప్రాంతాల్లో పాక్షిక లాక్‌డౌన్లు, కర్ఫ్యూలు విధిస్తున్నాయి. అయితే ఫలితం మాత్రం శూన్యంగా ఉంది. ఈ క్రమంలో కరోనా బాధితులను ఆదుకొనేందుకు సెలబ్రిటీలు పెద్ద ఎత్తున ముందుకు వస్తున్నారు. సోషల్‌మీడియా వేదికగా కొందరు బాధితులకు వైద్యసౌకర్యాలు అందిస్తుంటే.. మరికొందరు ప్రభుత్వానికి ఆర్థిక సహాయం అందిస్తున్నారు. ఇప్పటికే నటుడు సూర్య, అతని తమ్ముడు కార్తీ తమిళనాడు ముఖ్యమంత్రి సహాయనిధికి రూ.కోటి విరాళంగా ఇచ్చిన విషయం తెలిసిందే. తాజాగా తమిళ సూపర్‌స్టార్, తలా కోవిడ్‌పై పోరుకు ముందుకు వచ్చారు. తన వొంతు సహాయంగా ఆయన రూ.25 లక్షలు తమిళనాడు ముఖ్యమంత్రి సహాయ నిధికి అందించారు. ఈ విషయాన్ని అజిత్ మేనేజర్ సురేశ్ చంద్ర వెల్లడించారు. కరోనా సెకండ్ వేవ్‌లో ప్రజల సహాయార్థం ఆయన ఈ సాయం చేసినట్లు సురేశ్ పేర్కొన్నారు. అజిత్ ప్రస్తుతం తన కెరీర్‌‌లో 60వ చిత్రంగా రూపొందుతున్న ‘వాలిమై’లో నటిస్తున్నారు. ఈ సినిమాకి హెచ్.వినోద్ దర్శకత్వం వహిస్తుండగా.. జోనీ కపూర్ నిర్మిస్తున్నారు. ఇక ఈ సినిమాలో హుమా ఖురేషీ, జాన్వీ కపూర్, కార్తీకేయ ప్రధాన పాత్రల్లో నటిస్తున్నారు. యువన్ శంకర్ రాజా సంగీతం అందిస్తున్న ఈ సినిమా దీపావళి కానుకగా.. ఈ ఏడాది నవంబర్ 12న విడుదల కానుంది.

from Telugu Movie News | Movie News in Telugu | Movie Gossips in Telugu https://ift.tt/3tSAb7a
v