సోదరుడి ప్రాణం కోసం వేడుకున్న నటి.. అందని సాయం.. అతని మృతితో కన్నీటి పర్యంతం

‘రంగం’ సినిమాతో తెలుగు ప్రేక్షకులకు సపరిచితురాలు అయిన నటి . ఆ తర్వాత కొన్ని తమిళ, తెలుగు సినిమాల్లో కనిపించిన ఆమె.. హీరోయిన్‌గా అంతగా సక్సెస్‌ను అందుకోలేదు. కొన్ని సినిమాల్లో సైడ్ క్యారక్టర్లలోనూ కనిపించి అలరించింది. అయితే సినిమాలను పక్కన పెడితే.. సోషల్‌మీడియాలో యమా యాక్టివ్‌గా ఉంటుందీ భామ. తరచూ ఫోటోషూట్‌లు నిర్వహిస్తూ.. అభిమానులకు తగినంత వినోదాన్నిస్తుంది. అయితే ఎప్పుడూ ఉల్లసంగా ఉండే పియా ఇప్పుడు శోకసంద్రంలో మునిగిపోయింది. దానికి కారణం ఆమె సోదరుడు కరోనాతో మృతి చెందడమే. రెండో దశలో భారత్‌లో విశృంఖలంగా వ్యాప్తి చెందుతోంది. ప్రతీ రోజూ రికార్డు సంఖ్యలో కొత్త పాజిటివ్ కేసులు నమోదు అవుతున్నాయి. సరైన వైద్య సదుపాయాలు అందక.. వేలాది మంది ప్రాణాలు కోల్పోతున్నారు. కరోనా బాధితులను కాపాడేందుకు వైద్యులు, సిబ్బంది, అధికారులు ఎంతో కృషి చేస్తున్నారు. కానీ, ఆక్సిజన్ కొరత, ఇతర వైద్య సదుపాయాల్లో లోటు బాధితుల ప్రాణాలు నిలబడటం లేదు. అయితే ఈ క్రమంలో అవసరంలో ఉన్న వారు సోషల్‌మీడియా ద్వారా సహాయం కావాలని కోరుతున్నారు. కానీ, తగిన సమయానికి సహాయం అందకపోవడం కూడా మరణాలకు కారణం అవుతోంది. తాజాగా పియా బాజ్‌పేయ్ సోదరుడు కూడా తగిన సహాయం అందక కరోనా కారణంగా ప్రాణాలు విడిచారు. మంగళవారం ఉదయం 7 గంటల సమయంలో పియా తన సోదరుడికి సహాయం కావాలంటూ ట్వీట్ చేసింది. ‘నా సోదరుడు చనిపోతున్నాడు. ఉత్తర్‌ప్రదేశ్ ఫరూఖాబాద్‌లో ఓ వెంటిలేటర్ సౌకర్యం ఉన్న బెడ్ కావాలి. ఎవరికైనా తెలిస్తే దయచేసి సహాయం చేయండి’ అంటూ పియా ట్వీట్ చేసింది. ఇది చేసిన కొద్ది గంటలకే ఆయన సోదరుడు మృతి చెందాడు. దీంతో ఆమె ఈ దుర్వార్తని మరో ట్వీట్ ద్వారా వెల్లడించింది. తన సోదరుడు కరోనాకి బలి అయ్యాడు అంటూ ఆమె భావోద్వేగంతో ట్వీట్ చేసింది. ఈ ట్వీట్ చూసిన నెటిజన్లు ఆమె కుటుంబానికి సానుభూతి తెలుపుతూ కామెంట్లు చేస్తున్నారు.

from Telugu Movie News | Movie News in Telugu | Movie Gossips in Telugu https://ift.tt/3tca3DT
v