టీనేజ్‌లో ఆ నిర్మాత రేప్ చేశాడు.. నా ప్రమేయం లేకుండానే అలా! సంచలన విషయాలు బయటపెట్టిన నటి

సినీ ఇండస్ట్రీలో లైంగిక వేధింపుల అంశం ఏదో ఒకరూపంలో నిత్యం వార్తల్లో నిలుస్తూనే ఉంటుంది. ''మీటూ, క్యాస్టింగ్ కౌచ్'' లాంటి ఉద్యమాల తర్వాత మహిళలు నేరుగా తమపై జరిగిన లైంగిక దాడులకు బయటపెడుతుండటం చూస్తున్నాం. ఈ నేపథ్యంలోనే తాజాగా అమెరికన్ సింగర్, యాక్ట్రెస్ సంచలన విషయాలను బయటపెట్టింది. తాను టీనేజ్‌లో ఉండగా ఓ నిర్మాత రేప్ చేశాడంటూ అప్పటి రహస్యాలు ఇప్పుడు చెప్పింది. ఓ ఆంగ్ల మీడియాతో మాట్లాడిన లేడీ గాగ.. తాను 19 ఏళ్ల వయసులో ఉండగా లైంగిక దాడికి గురై గర్భవతిని అయ్యానంటూ ఓపెన్ అయింది. ఆ సమయంలో అనుభవించిన బాధ మాటల్లో చెప్పలేనిది అంటూ ఆవేదన చెందింది. వృత్తిలో భాగంగా కలిసిన ఓ నిర్మాత తనపై కన్నేశాడని, సందర్భం చూసి దుస్తులు మొత్తం విప్పేయ్ అంటూ బలవంతం చేయడంతో తాను అక్కడి నుంచి తప్పించుకునేందుకు ప్రయత్నించడంతో తన మ్యూజిక్ ఆల్బమ్స్ అన్నీ కాల్చివేస్తానని బెదిరింపులకు పాల్పడ్డాడని చెప్పింది. దీంతో ఏమీ తోచక అలాగే నిలబడిపోయానని చెప్పిన లేడీ గాగ.. తన ప్రమేయం లేకుండానే అంతా జరిగిపోయిందని తెలిపింది. తనపై రేప్ జరిగిన తర్వాత నరకాన్ని చూశానని ఆమె చెప్పింది. మెదడు మొద్దు బారిపోయి మానసికంగా చాలా వారాలపాటు అనారోగ్యంతో కోలుకోలేకపోయానని, కొన్ని రోజుల తర్వాత ఆ రేప్ బాధ ఏంటో అర్థమైందని చెప్పిన ఆమె.. తనపై మానభంగం జరిపి గర్భవతిని చేసి ఓ మూలకు పడేశారంటూ గత చేదు అనుభవాలను వెళ్లగక్కింది. ఆ బాధ నుంచి బయటపడటానికి చాలా ఏళ్ళు పట్టిందని చెప్పుకొచ్చింది. అయితే తనకు మీటూ ఉద్యమం గురించి తెలిసినా ఆ విషయాన్ని, ఆ నిర్మాత పేరును బయటపెడితే మళ్ళీ మానసిక ప్రశాంతత కోల్పోయే అవకాశం ఉంటుందనే సైలెంట్ అయ్యానని లేడీ గాగ తెలిపింది. ''ది ఫేమ్, బార్న్ దిస్ వే, ఆర్ట్‌పాప్, చీక్ టూ చీక్, జోన్నే'' లాంటి ఆల్బమ్స్ చేసి ఫేమస్ అయింది లేడీ గాగ.

from Telugu Movie News | Movie News in Telugu | Movie Gossips in Telugu https://ift.tt/3fFSyqK
v