నా కల నెరవేరె రోజు వస్తోంది.. ప్రభుత్వాల నిర్ణయంపై సోనూ సూద్

ఇప్పుడు అంటే కేవలం వేషాలు వేసుకుని నటించే నటుడు కాదు. సోనూ సూద్ ఓ సమూహశక్తి. దేశం మొత్తం ఆయన్ను కీర్తిస్తోంది. సోనూ సూద్ నుంచి సాయం అందుకోని రాష్ట్రం, జిల్లా, గ్రామం లేదు. ఎప్పుడో ఒకప్పుడు.. ఎవరో ఒకరు ఏదో ఒక రూపంలో సోనూ సూద్ నుంచి సాయం పొంది ఉంటారు. గత ఏడాది నుంచి నిర్విరామంగా సోనూ సూద్ ఎంతో మందికి సాయం చేస్తూనే ఉన్నారు. గత ఏడాది లాక్డౌన్‌లో ఎంతో మందిని తమ గమ్యస్థానాలకు చేర్చారు.. అన్నం లేక అలమటిస్తున్న ఎంతో మంది ఆకలిని తీర్చారు..ఉపాధి, విద్య, వైద్య సదుపాయాలను కల్పించారు. ఇక ఈ సెకండ్ వేవ్‌లో అయితే మరింత ముందుకు వచ్చారు. అడిగిన ప్రతీ ఒక్కరికి ఆక్సిజన్ పంపిస్తూ ప్రాణాలను కాపాడుతున్నారు. చివరకు ప్రభుత్వాలు కూడా సోనూ సూద్ సాయాన్ని అర్థిస్తున్నాయి. సెకండ్ వేవ్‌లో దేశ ప్రజలు చనిపోవడంతో వారి పిల్లలు అనాథల్లా అవుతున్నారు. వారి కోసం సోనూ సూద్ ముందుకు వచ్చారు. అలాంటి అనాథ పిల్లలకు ఉచిత విద్యను అందించండని సోనూ సూద్ ప్రభుత్వాలను కోరారు. ఆయన మాటకు విలువిచ్చి కొన్ని రాష్ట్ర ప్రభుత్వాలు ఆ నిర్ణయాన్ని అమలు పరిచేందుకు ముందుకు వచ్చాయి. మధ్యప్రదేశ్, అస్సాం, జమ్మూ కాశ్మీర్, రాజస్థాన్, చత్తీస్ ఘడ్, ఒడిశా, ఢిల్లీ, ఉత్తరప్రదేశ్ ప్రభుత్వాలు ఉచిత విద్యను అందించేందుకు ముందుకు వచ్చాయి. ఈ క్రమంలో సోనూ సూద్ స్పందిస్తూ.. నా కల నెరవేరె రోజు వస్తోంది.. ఇక దేశం మొత్తం ఇదే విధానాన్ని కొనసాగించాల్సి ఉంది అంటూ చెప్పుకొచ్చారు.

from Telugu Movie News | Movie News in Telugu | Movie Gossips in Telugu https://ift.tt/3hI0GJW
v