ఎయిర్ డెక్కన్ సంస్థ అధినేత గోపినాథ్ జీవితగాధ ఆధారంగా.. ప్రధాన పాత్రలో సుధా కొంగర దర్శకత్వంలో రూపొందిన చిత్రం ‘’. తెలుగులో ‘ఆకాశమే నీ హద్దురా’ పేరుతో విడుదలైన ఈ సినిమాలో అపర్ణ బాలమురళీ హీరోయిన్గా నటించింది. 2డీ ఎంటర్టైన్మెంట్స్, సిఖ్యా ఎంటర్టైన్మెంట్స్ బ్యానర్లపై ఈ సినిమాను నిర్మించారు. కరోనా కారణంగా గత ఏడాది నవంబర్లో ఓటీటీలో విడుదలైన ఈ సినిమా మంచి సక్సెస్ సాధించింది. అమెజాన్ ప్రైమ్లో ఈ సినిమాకు మంచి వ్యూస్ వచ్చాయి. అయితే ఈ సినిమా తాజాగా మరో ఘనతను తన ఖాతాలో వేసుకుంది. చైనాలోని ప్రధాన నగరం షాంఘైలో జరిగిన అంతర్జాతీయ ఫిలిమ్ ఫెస్టివల్కు ఈ సినిమా ఎంపికైంది. భారత్ నుంచి ఈ ఫెస్టివల్కు మూడు సినిమాలు ఎంపిక కాగా.. దక్షిణాది ఇండస్ట్రీల నుంచి ఎంపికైన ఏకైన సినిమాగా సూరరై పోట్రు నిలిచింది. ఈ విషయాన్ని రాజశేఖర్ పాండియన్ ట్విట్టర్ ద్వారా వెల్లడించారు. ‘ప్రైజ్ ది బ్రేవ్’ పేరుతో ఈ సినిమా షాంఘై ఫిలిమ్ ఫెస్టివల్లో పానరోమా విభాగంలో ప్రదర్శితమవుతుందని ఆయన తెలిపారు. ఇందుకు తాను ఎంతో గర్వపడుతున్నానని పేర్కొన్నారు. ఈ సినిమా గతంలోనూ పలు ఘనతలు సాధించింది. 93వ ఆస్కార్ అవార్డలకు భారత్ నుంచి పంపిన నామినేషన్లో ఈ సినిమా స్థానం సంపాదించుకుంది. కానీ, అక్కడ ఎంపిక కాలేదు. మరోవైపు అంతర్జాతీయ సినిమా రివ్యూ సంస్థ ‘ఐఎండీబీ’లో అత్యధిక రేటింగ్ వచ్చిన మూడో సినిమాగా ఈ సినిమా ఘనత సాధించింది. తాజాగా షాంఘై ఫిలిమ్ ఫెస్టివల్కి ఎంపికైన ఏకైక సౌత్ సినిమాగా సూరరై పోట్రు నిలవడంపై సూర్య అభిమానులు ఆనందం వ్యక్తం చేస్తున్నారు. ఈ ఫిలిమ్ ఫెస్టివల్ జూన్ 11న ప్రారంభమై.. 20వ తేదీన ముగుస్తుంది.
from Telugu Movie News | Movie News in Telugu | Movie Gossips in Telugu https://ift.tt/33MC5v7
v
No comments:
Post a Comment