తొలి సినిమాతోనే సక్సెస్ అందుకున్నారు యువ హీరోహీరోయిన్లు , . సిల్వర్ స్క్రీన్పై వీరిద్దరి జోడీ తెలుగు ప్రేక్షకులను ఎంతగానో ఆకర్షించింది. కెమెరాకు కొత్త అయినా నటనలో వారు కనబర్చిన పరిణితి, ఇద్దరి మధ్య కెమిస్ట్రీ 'ఉప్పెన' సక్సెస్లో కీలకం అయ్యాయి. సుకుమార్ శిష్యుడైన బుచ్చిబాబు డైరెక్షన్ టెక్నిక్స్ ఎంతగానో ఆకట్టుకున్నాయి. వీటన్నింటి ఫలితంగా నిర్మాతలకు లాభాల పంట పడింది. ఇప్పటికీ 'ఉప్పెన' సాంగ్స్ ఆన్ లైన్ వేదికలపై ట్రెండ్ అవుతూనే ఉన్నాయి. అయితే ఈ చిత్రంలోని రొమాంటిక్ సాంగ్ 'జలజల జలపాతం నువ్వు' యువతను మత్తెక్కించింది. ఈ పాటలో కొత్త జోడీ కృతి శెట్టి- వైష్ణవ్ తేజ్ పండించిన రొమాన్స్ విపరీతంగా ఆకట్టుకుంది. క్రియేటివ్ ఆలోచనలతో సముద్రం మధ్యలో హీరోహీరోయిన్స్ రొమాన్స్ చేస్తున్నట్లు ఎంతో అద్భుతంగా తెరకెక్కించారు బుచ్చిబాబు. ఇక దేవీ శ్రీ అందించిన బాణీలు ఈ పాటకు ప్రాణం పోశాయి. యూట్యూబ్లో హవా నడిపిస్తున్న ఈ సాంగ్ని పదే పదే రిపీట్ చేసుకొని మరీ చూస్తున్నారు ఆడియన్స్. ఈ నేపథ్యంలో తాజాగా ఈ రొమాంటిక్ సాంగ్ మేకింగ్ వీడియోను రిలీజ్ చేశారు మేకర్స్. ఇందులో ఒకరిని మించి మరొకరు అన్నట్లుగా రొమాన్స్ పండించారు కృతి శెట్టి, వైష్ణవ్. సముద్ర తీరానే ఉన్నామా! అనేంత సహజంగా ఈ పాటని ఆర్టిఫిషల్ సెట్స్ వేసి రూపొందించారు. ఎక్కడా వల్గారిటీ అనిపించకుండానే రసిక ప్రియులను మత్తెక్కించారు. ఈ సాంగ్ను ఓ స్విమ్మింగ్ ఫూల్లో షూట్ చేసినట్లు తెలుస్తోంది. కదులుతున్న పడవలో రొమాన్స్ చేయడం అనే వినూత్న కాన్సెప్ట్ ఎంచుకొని ఇచ్చిన ఆన్స్క్రీన్ ప్రెజెన్స్ వావ్! అనిపించింది. టెక్నీషియన్లంతా చూస్తుంటే రొమాన్స్ చేస్తూ పాటకు ప్రాణం పోయడం అంత సులువేం కాదు. కొత్త హీరోహీరోయిన్స్ అయినా ఇందులో సక్సెస్ అయ్యారు వైష్ణవ్, కృతి. ఇంకెందుకు ఆలస్యం ఈ మేకింగ్ వీడియో మీరూ చూసేయండి.
from Telugu Movie News | Movie News in Telugu | Movie Gossips in Telugu https://ift.tt/2PV1vmO
v
No comments:
Post a Comment