పవన్ కళ్యాణ్ రీ- ఎంట్రీ మూవీ 'వకీల్ సాబ్' కోసం దేశవ్యాప్తంగా ఉన్న ఆడియన్స్ కళ్లలో వత్తులు వేసుకొని ఎదురు చూస్తున్నారు. దాదాపు మూడేళ్ళ తర్వాత వెండితెరపై పవర్ స్టార్ హంగామా చూడాలని ఇవ్విళ్లూరుతున్నారు. అందుకు తగ్గట్టుగా చిత్ర ప్రమోషన్స్పై స్పెషల్ ఫోకస్ పెట్టి సినిమాపై ఉన్న అంచనాలకు రెక్కలు కడుతోంది చిత్రయూనిట్. ఈ నేపథ్యంలో తాజాగా ఓ ప్రమోషనల్ కార్యక్రమంలో పాల్గొన్న మ్యూజిక్ డైరెక్టర్ పలు విషయాలపై ఓపెన్ అయ్యారు. ఈ 'వకీల్ సాబ్' మూవీలో ప్రతి 10 నిమిషాలకు ఓ హై వోల్టేజ్ సన్నివేశాన్ని చూడబోతున్నారని, పవన్ కళ్యాణ్ అభిమానుల అభిరుచికి తగ్గట్టుగా ఈ సినిమా ఉంటుందని థమన్ చెప్పారు. మొదట ఈ సినిమాకు 'మగువ మగువ' అనే టైటిల్ అనుకున్నామని, కానీ చివరకు 'వకీల్ సాబ్'ను ఫైనల్ చేశామని అన్నారు. పవన్ అభిమానులకు నచ్చేవిధంగా 'సత్యమేవజయతే' పాటను ఎంతో అద్భుతంగా కంపోజ్ చేసిన థమన్.. ఐటెం సాంగ్ గురించి కూడా మాట్లాడారు. వకీల్ సాబ్ చిత్రంలో ఐటెం సాంగ్ ఉండాలంటూ కొందరు అభిమానులు తనను సోషల్ మీడియా ద్వారా కోరడం జరుగుతోందని, అయితే ఇలాంటి సామాజిక నేపథ్యమున్న సినిమాలో ఐటెం సాంగ్ను ఎలా అడిగారో నాకు అర్థం కాలేదని, ఆ సమయంలో తనకు ఆశ్చర్యం కలిగిందని థమన్ అన్నారు. ప్రస్తుతం స్టార్ హీరోల సినిమాలకు బెటర్ ఛాయిస్గా థమన్ పలు సినిమాలతో బిజీగా ఉన్నారు. బాలీవుడ్ సూపర్ హిట్ మూవీ 'పింక్' రీమేక్గా వేణు శ్రీరామ్ దర్శకత్వంలో రూపొందిన 'వకీల్ సాబ్' సినిమాను దిల్ రాజు, బోనీ కపూర్ సంయుక్తంగా సమర్పించారు. చిత్రంలో పవన్ కళ్యాణ్ సరసన అనన్య నాగేళ్ల, అంజలి, నివేదా థామస్ హీరోయిన్లుగా నటించారు. ఏప్రిల్ 9వ తేదీన ఈ సినిమా గ్రాండ్గా రిలీజ్ కానుంది.
from Telugu Movie News | Movie News in Telugu | Movie Gossips in Telugu https://ift.tt/2R2Ii32
v
No comments:
Post a Comment