'అజ్ఞాతవాసి' సినిమా తర్వాత సినిమాలకు దూరంగా ఉంటూ రాజకీయాల్లో బిజీ అయిన పవర్ స్టార్ పవన్ కళ్యాణ్ మూడేళ్ల తర్వాత తిరిగి కెమెరా ముందుకొచ్చారు. 'వకీల్ సాబ్' అంటూ సోషల్ మెసేజ్తో కూడిన సినిమాను ప్రేక్షకుల ముందుంచారు. నిన్న (ఏప్రిల్ 9) విడుదలైన ఈ సినిమా తొలి రోజే బ్లాక్బస్టర్ హిట్ అనిపించుకుంది. విడుదలైన అన్ని సెంటర్లలో ఒకటే మాట.. అదే వకీల్ సాబ్ సూపర్ డూపర్ హిట్ అవుతుందని. ఈ నేపథ్యంలో తన తల్లి అంజనా దేవితో కలిసి ఈ సినిమా చూసిన , మెగా బ్రదర్ తమ్ముడిపై ప్రశంసలు గుప్పించారు. ''మూడు సంవత్సరాల తర్వాత మళ్లీ పవన్ కళ్యాణ్ అదే వేడి, అదే వాడి, అదే పవర్తో వచ్చాడు. ప్రకాశ్ రాజ్తో కోర్టు రూమ్ డ్రామా అద్భుతంగా ఉంది. నివేదా థామస్, అంజలి, అనన్య వారి వారి పాత్రల్లో జీవించారు. సంగీతంతో తమన్, కెమెరా పనితనంతో వినోద్ సినిమాకు ప్రాణం పోశారు. దిల్రాజు, బోనీ కపూర్, వేణు శ్రీరామ్తో పాటు టీమ్ మొత్తానికి నా శుభాకాంక్షలు. అన్నింటినీ మించి మహిళలకు ఇవ్వాల్సిన గౌరవాన్ని తెలియజేసే ఒక అత్యద్భుతమైన చిత్రమిది. ఈ వకీల్సాబ్ కేసులనే కాదు అందరి మనసుల్నీ గెలుస్తాడు'' అని పేర్కొంటూ ట్వీట్ పెట్టారు చిరంజీవి. ఇక నాగబాబు స్పందిస్తూ.. ''మూడేళ్ల ఆకలికి 'వకీల్సాబ్'తో జీవిత కాలానికి సరిపడా విందు ఇచ్చాడు పవన్ కళ్యాణ్. ఈ సినిమాకి రివ్యూ రాయమని చాలా మంది అడిగారు. కానీ, నేను నో అని చెప్పేశా. ప్రస్తుతం ఎదురవుతున్న ఓ క్లిష్టమైన సమస్యతో వచ్చిన ఈ సినిమా సమాజంలో ఉన్న ప్రతి ఒక్కర్నీ ఆకర్షించింది'' అని పేర్కొన్నారు. వకీల్ సాబ్ సినిమా బాలీవుడ్ సూపర్ హిట్ మూవీ 'పింక్' రీమేక్ అయినా తెలుగు నేటివిటీకి తగ్గట్లుగా వేణు శ్రీరామ్ టేకింగ్ అద్భుతం అనే టాక్ వచ్చింది. పవన్ కళ్యాణ్ ఎనర్జీపై సర్వత్రా ప్రశంసలు దక్కుతున్నాయి. అనన్య, అంజలి, నివేదా భేష్ అనిపించుకున్నారు.
from Telugu Movie News | Movie News in Telugu | Movie Gossips in Telugu https://ift.tt/3s78ZQQ
v
No comments:
Post a Comment