ఏ సినిమా అయినా కథ అయినా సరే అందరూ నమ్మే ముందుకు అడుగువేస్తారు. తమ సినిమా బాగుంటుందని, కథ అందరినీ మెప్పిస్తుందని, బ్లాక్ బస్టర్ హిట్ అవ్వాలనే కోరుకుని మొదలుపెడతారు. అయితే మూవీ విడుదల కాకముందే చెప్పే మాటలకు, చిత్రం విడుదల అయిన తరువాత చెప్పే మాటలకు ఎంతో తేడా ఉంటుంది. ఎందుకంటే చిత్రయూనిట్ ఆశించినట్టుగా ఆడియెన్స్ ఫలితాన్ని ఇవ్వరు. హిట్ అవుతుందని ఎంతో నమ్మకంగా ఉన్న వారికి ఆడియెన్స్ నిర్మోహమాటంగా తమ అభిప్రాయాన్నిచెబుతుంటారు. అలా అనే సినిమాను జనాలు తిప్పి కొట్టేశారు. ఆ మూవీ విడుదలకు ముందు అందరూ తెగ పొగిడేశారు. అల్లు అరవింద్, బన్నీ వాసు, అల్లు అర్జున్ వంటి వారంతా సినిమాను ఆకాశానికెత్తేశారు. కానీ జనాలకు మాత్రం ఎక్కలేదు. దీంతో అది డిజాస్టర్ అయిపోయింది. ఈ మూవీ విడుదల చుట్టూ జరిగిన వివాదం కూడా అందరికీ తెలిసిందే. రెండు వారాల్లోనే ఓటీటీలోకి వస్తుందనే ప్రచారం రావడంపై బన్నీ వాసు తెగ ఊగిపోయాడు. కానీ సినిమా ఫలితాన్ని చూసి చివరకు సైలెంట్ అయిపోయారు. అయితే ఇప్పుడు చావు కబురు చల్లగా చిత్రాన్ని ఆహాలో అందుబాటులో ఉంచబోతోన్నారు. రేపే (ఏప్రిల్ 23) ఈ సినిమా ఆహాలో ప్రసారం కాబోతోంది. అయితే ఆహా కోసం సినిమాను మరింత ఎడిట్ చేశారట. సినిమాపై వచ్చిన నెగెటివ్ కామెంట్లకు అనుగుణంగా ఎడిట్ చేశారట. తాజాగా వాటి గురించి మీడియాతో ముచ్చటించారు. మీడియాతో మాట్లాడిన కార్తికేయ సినిమా ఫ్లాప్పైనా స్పందించారు. ‘చావు కబురు చల్లగా’ నా మనసుకి బాగా దగ్గరైన సినిమా. మా సినిమా కమర్షియల్గా అనుకున్నంత బాగా ఆడనందుకు మొదటి మూడు రోజులు చాలా బాధపడ్డా. ఆ తర్వాత మా సినిమా చూసిన వాళ్లనుంచి వచ్చిన ప్రశంసలు కొంత ఊరటనిచ్చాయని అన్నారు. ప్రతి కథకు మనం నూరు శాతం కష్టపడతాం. కానీ, హిట్టు, ఫ్లాప్ అనేది మన చేతుల్లో ఉండదు. ఇప్పటివరకూ కార్తికేయ అంటే మంచి ఫిజిక్, రొమాంటిక్ సీన్స్ బాగా చేస్తాడు అని అందరూ అనుకున్నారు. కానీ ఈ సినిమా తర్వాత విభిన్నమైన కథలు నా దగ్గరకు వస్తున్నాయి. నా కెరీర్ ఇప్పుడే ప్రారంభమైంది. కాబట్టి హిట్టు, ఫ్లాప్లతో సంబంధం లేకుండా విభిన్నమైన పాత్రలు చేయాలనుకుంటున్నాని నిర్మొహమాటంగా పరాజయాన్ని ఒప్పుకున్నారు.
from Telugu Movie News | Movie News in Telugu | Movie Gossips in Telugu https://ift.tt/3avTOef
v
No comments:
Post a Comment