మా నాన్న ఎవ్వరినీ మర్డర్ చేయలేదు.. కార్తీకదీపం శౌర్య కామెంట్స్ వైరల్

సీరియల్ గురించి తెలియని తెలుగు ప్రేక్షకులెవ్వరూ ఉండరు. బుల్లితెరపై కార్తీకదీపం సీరియల్‌ది ఓ చరిత్ర. టీఆర్పీ విషయంలో కొత్త రికార్డులను క్రియేట్ చేస్తూ కొన్నేళ్లుగా అప్రతిహతంగా దూసుకుపోతూనే ఉంది. మొన్నీ మధ్యనే కార్తీకదీపం వెయ్యి ఎపిసోడ్‌లను పూర్తి చేసేసుకుంది. అంతగా పాపులర్ అయిన ఈ సీరియల్‌లో ప్రతీ పాత్ర జనాలకు బాగా కనెక్ట్ అయింది. కార్తీక్, డాక్టర్ బాబు పాత్రలో నిరుపమ్.. వంటలక్క, దీపగా ప్రేమీ విశ్వనాథ్ ఎనలేని క్రేజ్‌ను సంపాదించుకున్నారు. పిల్లల పాత్రలతోనే ఇప్పుడు సీరియల్ దూసుకుపోతోంది. హిమగా సహృద, శౌర్యగా దుమ్ములేపుతున్నారు. ఈ పిల్లలిద్దరూ బుల్లితెరపైనే కాకుండా సోషల్ మీడియాలోనూ దూసుకుపోతోంటారు. డ్యాన్స్ వీడియోలు షేర్ చేస్తూ ఫాలోవర్లను పెంచుకుంటుంటారు. అయితే శౌర్యగా సీరియల్‌లో గడుసరిగా కనిపించే కృతిక సోషల్ మీడియాలో మాత్రం విభిన్నంగా ఉంటారు. పరులకు సాయం చేయాలనే ఆలోచనతో సేవా కార్యక్రమాలు చేస్తుంటారు. విరాళాలు, వృద్దాశ్రమాలు అంటూ చిన్నతనంలోనే ఎన్నో మంచి పనులు చేస్తుంటారు. అంతేకాకుండా తన ఫాలోవర్లకు రిప్లైలు ఇస్తూ నిత్యం యాక్టివ్‌గా ఉంటారు. తన మీద వచ్చే మీమ్స్, జోక్స్‌లను కృతిక ఎంజాయ్ చేస్తుంటారు. తాజాగా అలాంటి ఓ మీమ్‌పై కృతిక రియాక్ట్ అయ్యారు. ఉప్పెన సినిమాలోనే ఓ ఫేమస్ డైలాగ్‌తో క‌‌ృతికపై మీమ్ వేశారు. అబద్దాలు ఆడితే అమ్మాయిలు పుడుతారంటారు.. ఇంత అందంగా పుట్టిందంటే వాళ్ల నాన్న మినిమమ్ మర్డర్ అయిన చేసుంటాడు.. అని వైష్ణవ్ తేజ్ చెప్పే డైలాగ్‌ను కృతిక కోసం వాడేశారు. అలా తన గురించి, తన తండ్రి గురించి చేసిన ఈ మీమ్‌పై నవ్వుతూ అదిరిపోయేలా రిప్లై ఇచ్చారు. హహహ.. మా నాన్న ఎవ్వరినీ మర్డర్ చేయలేదు అని రిప్లై ఇచ్చారు. ప్రస్తుతం కృతిక ఇచ్చిన రిప్లై నెట్టింట్లో వైరల్ అవుతోంది. కృతిక బుల్లితెరపైనే కాకుండా వెండితెర మీద దూసుకుపోతోన్నారు. సరిలేరు నీకెవ్వరు సినిమాతో కృతికకు ఎక్కువగా గుర్తింపు వచ్చింది.

from Telugu Movie News | Movie News in Telugu | Movie Gossips in Telugu https://ift.tt/3u74eZI
v